اردوغان آل ثانی بیلن اوچره شدی
اوشبو اوچره شوو انقره ده بولیب اوتدی
تورکیه جمهوریتی جمهوررئیسی رجب طیب اردوغان, پایتخت انقره ده جمهوررئیسلیک مجتمع سیده, قطر امیری شیخ تمیم بن حمد آل ثانی بیلن اوچره شدی.
اوشبو اوچره شوو نینگ اساسی کون ترتیبی اورته شرقده گی ینگیلیکلر دن عبارت. اشغالچی اسرائیل نینگ فلسطین و لبنان گه قره تیلگن هجوملری بیلن تهران- تل ابیب اورته سیده گی کیلیشمووچیلیک حقیده سوز یوریتیلدی.
عینی دمده اوچره شووده قیرغین قیلیاتگن ناتنیاهو حکومتی نینگ آتشکیسین گه مجبور قیلینیشی و فلسطینلیکلر گه بشری یاردم لرنینگ ییتکزیب بیریلیشی بوییچه تشله نه دیگن قدم لر توغریسیده بحث ایتیلدی.
بوندن تشقری اوچره شووده, تورکیه بیلن قطر اورته سیده بولگن یوقاری سویه لی مناسبت لر هم بهالنتیریلدی.
اوتگن ییل 1 اعشاریه 3 میلیارد دالر بولگن ایکّی تامانلمه تجارت و سرمایه گذارلیک لر حجمی نینگ ینه ده آرتیریلیشی توغریسیده فکر المه شیلدی.
