تورکیه – امریکا قوشمه ایالتلری دولت باشلیغلری اوزارا سوزلشوو اوتکزدی

تورکیه جمهوریتی جمهور باشلیغی رجب طیب ایردوغان، امریکا قوشمه‌ ایالتلری دولت باشلیغی جو بایدن بیلن تیلفون آرقه‌لی صحبتلشدی.

صحبتده تورکیه و امریکا قوشمه ایالتلری  مناسبتلری، غزه مسأله‌سی، تورکیه‌ده عملگه آشیریلگن قولگه آلینگنلرنی المشیش اوپراسیونی، منطقوی و گلوبال ینگیلیکلر تیلگه‌ آلیندی.

ایردوغان، امریکالیک هم ‌کسبیگه، اسرائیل باش وزیری بنیامین نتانیاهو رهبریتی نینگ غزه ده آتشکیس و تینچلیکنی خواهله‌مه‌یاتگنینی هر قدمده کورسه‌تگنینی، نتانیاهونینگ اوتگن هفته‌ امریکا قوشمه ایالتلری  سنا‌سیده‌گی کورینیشلری نینگ تورکیه و دنیاده چوقور امیدسیزلیک یرا‌تگنینی، حماس سیاسی دفتری رهبری اسماعیل هنیه‌گه 31-جولای کونی ایرانده اویوشتیریلگن سوئ قصدنینگ آتشکیس حرکتلریگه قتّیق ضربه‌ بیرگنینی و اسرائیل نینگ غزه ده‌گی توقنه شوونی بوتون منطقه‌گه یاییشگه حرکت قیله‌یاتگنینی ایتدی.

جو بایدن ایسه، توناون‌ پایتخت انقره‌ده اویوشتیریلگن اسیر آلینگنلرنی المشیش اوپراسیونی نینگ معماسیز عملگه آشیریلیشی اوچون کورستگن حرکتی طفیلی جمهور باشلیغی ایردوغان گه منّتدارچیلیک بیلدیردی.

المشیش اوپراسیونیده امریکا قوشمه ایالتلری دن 2 ته، جرمنی، پولند، سلاونیا، ناروی و روسیه‌دن بیرته بیرته‌ توپلم7 ته اوچاق آرقه‌لی تورکیه‌گه آلیب کیلینگن شخصلر آره‌سیده؛ 2 نفری باله‌ توپلم 10 ته اسیر روسیه‌گه، 13 ته گروگه آلینگن شخص جرمنی ‌گه، 3 گروگه آلینگن شخص ایسه امریکا قوشمه ایالتلری گه ییتکیزیلگندی.