تورکیه رادیو تلویزیونی تامانیدن تیارلنگن حجتلی فلم مکافات قولگه کیریتدی

اوشبو فلم اوکراین گه تیگیشلی حادثه لرنی اوزایچی گه آلماقده

2043577
تورکیه رادیو تلویزیونی تامانیدن تیارلنگن حجتلی فلم مکافات قولگه کیریتدی

تورکیه رادیو تلویزیون باشقرووی (TRT) اینگ معتبر تلویزیونچیلیک مکافاتی بولمیش امی نی قولگه کیریتدی.

 ت رت ورلد تامانیدن تیارلنگن مکافاتلی حجتلی فلم سریالی «آف دی گرید» اوکراین ده تیارلنگن «Ukraine Wartime Diaries» (اوکراین اوروش کونده لیکلری) بولیمی خلق ارا تلویزیون صنعتلری و بیلیم اکادیمیسی تامانیدن بیریلگن خلق ارا امی مکافاتلری نینگ "خبر و کونده لیک حادثه لر" کتگوریسیده مینگلب اثرنینگ ایچیدن مکافات گه لایق دیب تاپیلدی.

امریکا قوشمه ایالتلری نینگ نیویورک شهریده اویوشتیریلگن پروگرامیده مکافاتنی حجتلی فلم نینگ تیارلاوچیلری محسنه انعاعیمی و الکساندر پاولیات آلدی.

مکافات مراسمی گه قتنشگن ت رت باشلیغی اورینباسری عمر فاروق تانری بیردی "البته کی قفرلنه میز. بیز آلگن بو مکافات ت رت ورلدنینگ خلق ارا مقیاسیده خبرچیلیک و نشراتچیلیک ساحه سیده بارگن نقطه نی کورسته دی. آف دی گرید گروهی قاله ویرسه حصه قوشگن برچه اورتاقلرنی تبریکله یمن" دیدی.

ت رت ورلد کانال باشچیسی بوره بیراقدار ایسه شولرنی ایتدی:

"بو مکافات اولاً ت رت ورلد قاله ویرسه ت رت ترماغی و باشقروویمیزنینگ قنچه یوتوقلی ایکن لیگینی خلق ارا ستندردلرده نشرات قیلگن لیگینی خلق ارا ستندردلرده ژورنالیستلیک قیلگن لیگینی کورستگن بولدی. یعنی امریکا قوشمه ایالتلریده تلویزیونچیلیک بوییچه اینگ ییریک مکافاتی بو دیر. ایلک مرته تورکیه ده تیارلنگن بیر حجتلی فلم بو مکافاتنی قولگه کیریتدی. شو اوچون فخرلنه میز."

محسنه انعاعیمی و الکساندر پاولیات تامانیدن تیارلنگن و خاقان خواجه اوغلی تصویرگه آلگن اوکراین ده تیارلنگن حجتلی فلم 2022 ییلی فبروری آییده باشله گن اوروش نینگ ویران قیلووچی یوزینی تماشاچیلر ییتکیزر ایکن روسیه اردوسی چیققن جایلرده گی تینچ اهالی نینگ حیاتلریده گی اوزگریش نی اوزایچی گه آلماقده.

 



علاقه لی ینگی لیکلر