اردوغان: جغرافیه میزده تورکیه سیز هیچ بیر پروژه نینگ عملگه آشیریلیشی ممکن ایمس

تورکیه جمهوریتی جمهوررئیسی رجب طیب اردوغان, تورکیه نینگ مدافعه صنایع سی بوییچه اوزی نینگ ضرورت لری نی تامین ایتیاتگن لیگی دیک, دنیا نینگ ایلغار تکنالوژی ایشلب چیقریاتگن اولکه لریدن بیری گه هم ایله نیب قالگن لیگینی بیلدیردی. 

جمهوررئیس اردوغان, کابینه ییغیلیشی آرتیدن بیانات بیردی. 

تورکیه نینگ مدافعه صنایع سی بوییچه اوزی نینگ ضرورت لری نی تامین ایتیش بیلن بیر قطارده, دنیا نینگ ایلغار تکنالوژی ایشلب چیقریاتگن اولکه لریدن بیری گه هم ایلنگن لیگی نی معلوم قیلگن اردوغان, اوز سوز لرینی قوییده گیچه دوام ایتدیردی:

"ایندی ینگی امتحان لری میز بار.  تورکیه نینگ, قورگن کوچلی زیربناسی بیلن یوقاری پاغانه لر گه چیقه یاتگن بیر اولکه صفتیده, هر جغرافیه و هر پلاتفرم ده خلق ارا بعضی مسئله لر گه دوچ کیلیشی طبیعی بیر حالتدن عبارت.  لیکن متفق لری میز و رقیب اولکه لرنینگ قبول قیلگن بیر نرسه بار که بوندن هیچ کیمسه نینگ قوتیلیشی ممکن ایمس.  بو حقیقت, اوزاق یاکه یقینده گی جغرافیه میزده تورکیه سیز هیچ بیر پروژه نینگ تطبیق ایتیلیشی نینگ ممکن ایمس لیگی و تجربه قیلینسه هم موفقیتسیزلیککه اوچره یدیگن لیگی دن عبارت.  اوشبو توغریده سناقسیز مثال لر, تشبث لر و نیت لر نی عملده کوردیک. اوشبو جهتده تشبث قیلگن لرنینگ همه سی کیلیب تورکیه نینگ همکارلیگی, متفق لیگی و حمایتی نی طلب قیلیش گه مجبور بولیب قالدی".