تورکیه کوسووا ده اویوشتیریلگن هجومنی قاره له دی

تورکیه, کوسووا نینگ شمالیده جایلشگن و کوپینچه صرب لرنینگ یشیاتگن بانسکا ده بیر پولیس نینگ حیاتینی یوقاتیشی گه سبب بولگن هجوم نی قاره لب چیقدی. 

تورکیه جمهوریتی تشقی ایشلر وزیرلیگی سوزچیسی تانژو بیلگیچ, اوشبو موضوع بیلن علاقه لی بیرگن یازمه بیاناتیده, کوسووا نینگ شمالیده گی و اهالی سی نینگ کوپچیلیگی صرب لردن عبارت زویچان بلدیه سی گه باغلیق بانسکا قیشلاغیده یوز بیرگن و کوسووا لیک بیر پولیس نینگ حیاتینی یوقاتیشی و کوپلب پولیس نینگ ایسه یره له نیشی گه باعث بولگن هجوم نی قاره له گن لیک لرینی بیلدیردی. 

تورکیه نینگ پریشتینا ایلچی خانه سی نینگ اوشبو هجوم نی قاره له گن لیگینی بیلدیرگن تانژو بیلگیچ, یره لنگن لر گه عاجل شفا تیله گن لیک لرینی معلوم قیلدی.

بیلگیچ, منطقه ده کیلیشمووچیلیک نینگ آرتیب کیتیشی نینگ آلدینی نینگ آلینیشی اوچون برچه تامان لرنینگ معتدل بولیشی و خشونت دن اوزاق توریشی نینگ مجبوری ایکن لیگینی بیلدیردی.

کوسووا و منطقه ده قالووچی تینچلیک نینگ اورنه تیلیشی نینگ بیرته گینه یولی نینگ مذاکره دن عبارت ایکن لیگینی بیلدیرگن بیلگیچ, تورکیه نینگ دیالوگ پروسه سی نی حمایت قیلیش گه دوام ایته دیگن لیگینی ایسله تیب اوتدی. 

بانسکاده یول نی یاپیب قوییگن قوراللی صرب لرنینگ, توناون ایرته لب پولیس گه قره ته اوق اوزیشی عاقبتیده بیر پولیس حیاتینی یوقاتدی.