اردوغان: تورک دولتلری تشکیلاتی نی کوچه یتیرماقچی میز

تورکیه جمهوریتی جمهوررئیسی رجب طیب اردوغان, تورکیه عصری نینگ عینی دمده "تورک دنیا سی عصری" بوله دیگن لیگینی معلوم قیلدی. 

اردوغان, توناون آذربایجان گه قیلگن سفری بیلن علاقه لی اجتماعی ترماق آرقه لی بیانات بیردی. 

بیاناتده اردوغان, "14- و 28- می سیلاو لری آرتیدن دستلبکی سفرلری میز نی شمالی قبرس تورک جمهوریتی و آذربایجان گه اویوشتیریب همکارلیگی میزنی کورسه تیب بیردیک.  ربیم دوستلیگی میز و قرداشلیگی میز نی دایمی ایله سین.  انشاءالله تورکیه عصری, عینی دمده 'تورک دنیا سی نینگ عصری' بوله دی" دییه قید ایتدی.

جمهوررئیس اردوغان, تورک دولت لری تشکیلاتی نی کوچه یتیریش اوچون بیرلیکده سعی و حرکت قیلیاتگن لیکلرینی بیلدیردی. 

اردوغان اوشبو توغریده, "تورکیه و آذربایجان صفتیده, شرق بیلن غرب اورته سیده ستراتیژیک بیر موقعیت گه ایگه میز.  قرداشلیگی میز گه یره شه دیگن شکلده تجارت, انرژی, مدافعه صنایع سی و ترانسپورت دن عبارت برچه ساحه لر بوییچه همکارلیگی میز ینه ده چقورله شه دی.  آذربایجان بیلن ارمنستان اورته سیده تینچلیک کیلیشووی نینگ امضاله نیشی بیلن منطقه میز بوندن هم مرفه راق بیر وضعیت گه کیلتیریله دی.  الهام قرداشیم بیلن بیرگه اوشبو دیالوگ پروسه سی نی آلیب بارماقده میز. انشاءالله یقین کیله جکده اوشبو تماس لرنینگ ایجابی نتیجه لرینی کوره دیگن لیگی میز گه ایشانه من.  اوشبو دایره ده بیزلرگه 'ایکّی دولت بیر ملت' شعاری نی میراث قیلیب تشلب کیتگن آذربایجان نینگ ملی رهبری حیدر علی اف نی توغیلگن لیگی نینگ 100 ییل لیگیده رحمت و منت بیلن ایسله یمن.  یوتوقلی باش قوماندان جمهوررئیس الهام علی اف قرداشیم بیلن بیر یقه دن باش چیقریب مناسبت لری میز نی برچه ساحه لر بوییچه کوچه یتیریش نی دوام ایتدیره میز" دییه قید ایتدی.