تورکیه جمهور باشلیغی بیلن اروپا اتفاقی کینگش باشلیغی اوزارا سوزلشوو اوتکزدی

جمهور باشلیغی رجب طیب ایردوغان اروپا بیرلیگی گه اعضالیک توغریسیده تورکیه گه عدالتلی مناسبت و تولیق اعضالیک استقبالینی قوللب – قوتلش اروپا اتفاقی بیلن مناسبتلرده ینگی افقلر آچیلیشینی تامینلشینی معلوم قیلدی.

جمهور باشلیغی ایردوغان اروپا اتفاقی کینگش باشلیغی چارلیس میشل بیلن تیلفون آرقه لی سوزلشوو اوتکزدی.

جمهور رئیسلیک علاقه باشقرووی تامانیدن بیریلگن بیاناتگه کوره اروپا اتفاقی کینگش باشلیغی چارلیس میشل جمهور باشلیغی ایردوغان گه قونغراق قیلیب قیته دن جمهور باشلیغی ایتیب سیلنیشی بیلن تبریکله دی.

منطقوی موضوعلر هم بهالندیریلگن سوزلشووده جمهور باشلیغی ایردوغان اروپا جهتیدن بویوک ستراتیژیک اهمیتی بولمیش تورکیه نینگ اروپا اتفاقی گه تولیق اعضالیگی توغریسیده انیق و اولیملی بیر کون ترتیبی بیلن علاقه نی برچه سویه لرده آرتیریش کیره کلیگینی افاده ایتدی.

شونده ی بولیب باجخانه بیرلیگینی ینگیلش، ویزه نی آزاد قیلیش نی تامینلش، کوچ باشقرووی و تروریزم گه قرشی کوره ش ساحه سیده همکارلیک نینگ اهمیتینی تاکییدله گن ایردوغان جنابلری تورکیه گه عدالتلی مناسبت و تولیق اعضالیک استقبالینی قوللب – قوتلش اروپا اتفاقی بیلن مناسبتلرده ینگی افقلر آچیلیشینی تامینلشینی معلوم قیلدی.