جو بایدن بیلن ویلادیمیر پوتین تورکیه جمهور باشلیغی ایردوغان گه قونغراق قیلیب سوزلشدی

امریکا قوشمه ایالتلری دولت باشلیغی جو بایدن تورکیه جمهور باشلیغی رجب طیب ایردوغان گه قونغراق قیلیب قیته دن جمهور رئیس ایتیب سیلنیشی بیلن قوتله دی.

تورکیه جمهور رئیسلیک علاقه باشقرووی تامانیدن بیریلگن بیاناتده، امریکا قوشمه ایالتلری دولت باشلیغی جو بایدن نینگ اوشبو سوزلشووده جمهور باشلیغی رجب طیب ایردوغان نی سیلاوده گی یوتوغی طفیلی تبریکلب نتیجه نینگ تورکیه خلقی اوچون خیرلی بولیشینی آرزوله گن لیگی بیلدیریلدی.

ایککی رهبرنینگ منطقوی و گلوبال مقیاسده گی تحریکلرگه قرشی تورکیه – امریکا قوشمه ایالتلری نینگ مناسبتلری نینگ تاباره اهمیتلی وضعیت گه کیلگن لیگینی تاکییدلب ینگی باسقیچده ایککی اولکه اورته سیده گی برچه موضوعلرده همکارلیک نی کوچه یتیریش توغریسیده کیلیشیب آلگن لیکلری معلوم قیلیندی.

شونده ی بولیب روسیه دولت باشلیغی ویلادیمیر پوتین نینگ هم جمهور باشلیغی رجب طیب ایردوغان گه قونغراق قیلیب قیته دن جمهور رئیس ایتیب سیلنیشی بیلن قوتله گن لیگی شونده ی بولیب سیلاو نتیجه سی نینگ تورکیه خلقی اوچون خیرلی بولیشینی آرزوله گن لیگی بیلدیریلدی.

ایککی رهبرنینگ ینگی باسقیچده تورکیه – روسیه مناسبتلریده و منطقوی موضوعلرده همکارلیک نی ینه ده کوچه یتیریلیشی توغریسیده کیلیشیب آلگن لیگی افاده ایتیلدی.