اردوغان بایدن بیلن سوزله شه دی

تورکیه جمهوریتی جمهوررئیسلیک سوزچیسی ابراهیم قلین, تلویزیون آرقه لی بیرگن بیاناتیده, کون ترتیبی ده گی موضوع لرنی بهالنتیردی. 

تورکیه نینگ, جمهوررئیس رجب طیب اردوغان نینگ جوده هم کوچلی بیر سیاستچی ایکن لیگینی نی ینه بیر بار تائید ایتگن بیر سیلاو بولیب اوتگن لیگی نی معلوم قیلگن قلین, بونینگ بیر رکورد ایکن لیگینی بیلدیردی. 

سیلاو ده بوتون تورکیه نینگ غلبه قازانگن لیگینی معلوم قیلگن قلین, کوچلی, مستقل تورکیه پروسه سی نینگ بوندن کیین هم جدل روشده دوام ایته دیگن لیگینی ایسله تیب اوتدی. 

جمهوررئیس اردوغان نینگ سیلاو آرتیدن بوله دیگن برنامه لری نینگ باشله گن لیگی گه دقت قره تگن قلین, "جمهوررئیسی میز نینگ بوگون دن باشلب ایش لری باشله دی.  خلق ارا مقیاسده تبریک بیلدیریش اوچون تلفن لر کیلماقده.  بوگون کوپلب جمهوررئیس و رهبر بیلن سوزله شه دی.  ایرته گه باشقه برنامه لری بوله دی.  بوگون آقشام بایدن (امریکا قوشمه ایالتلری دولت رهبری) بیلن سوزله شه دی.  روسیه جمهوررئیسی ولادیمیر پوتین بیلن صحبت ریجه لنماقده.  فقط گینه بو ایمس, عینی دمده آلمان, فرانسه, اسرائیل, یونان, اسپانیا, ناتو عمومی منشی سی, هالند و اوکراین بیلن هم پلان بار.  بو تلفنی صحبت لرنینگ همه سی بوگون اوچون ریجه لنگن" دییه قید ایتدی.