دنیا رهبر لری اردوغان گه تبریک بیلدیردی

کوپلب اولکه لرنینگ رهبر لری, جمهوررئیسلیک سیلاوی نینگ ایکّینچی دوریده گی موفقیتی سببلی تورکیه جمهوریتی جمهوررئیسی رجب طیب اردوغان گه تبریک بیلدیردی. 

شمالی قبرس تورک جمهوریتی نینگ جمهوررئیسی ارسین تاتار, اردوغان نینگ موفقیتی نینگ شمالی قبرس تورک جمهوریتی و شرقی آقدینگیز ده گی برقرارلیک اوچون اهمیت گه ایگه ایکن لیگینی بیلدیررایکن, "آنه وطن تورکیه ده بولیب اوتگن سیلاو آرتیدن حرمتلی اردوغان نینگ موفقیتی عینی دمده شمالی قبرس تورک جمهوریتی ده گی ایکّی دولتلی سیاست نینگ هم تائیدی دن عبارت" دییه قید ایتدی.

آذربایجان جمهوررئیسی الهام علی اف, جمهوررئیس اردوغان گه قونغیراق قیلیب سیلاوده گی موفقیتی سببلی تبریک بیلدیررایکن, یقین کیله جکده آذربایجان گه کیلیشی نی کوتیاتگن لیکلرینی معلوم قیلدی.  علی اف, سیلاو نتیجه لری نینگ, اردوغان نینگ تورکیه نینگ کینگ کولملی رواجله نیشی یولیده قرارلی لیک بیلن آلیب بارگن کینگ سیاستی و قیمتلی خدمت لری اوچون بیریلگن بیر جایزه ایکن لیگینی ایسله تیب اوتدی. 

روسیه دولت رهبری ولادیمیر پوتین, سیلاوده گی موفقیتی سببلی جمهوررئیس اردوغان گه یوبارگن پیامیده, اوشبو موفقیت نینگ اردوغان نینگ تورکیه جمهوررئیسی اوله راق قیلگن یخشی فعالیت لری نینگ طبیعی نتیجه سیدن عبارت ایکن لیگینی بیلدیررایکن, "ظفرینگیز, دولت حاکمیتی نی کوچه یتیریش و مستقل بیر سیاست آلیب باریش بوییچه سعی و حرکت لرینگیزنی تورک خلقی نینگ حمایت قیلگن لیگینی کورستماقده" دییه قید ایتدی. 

امریکا قوشمه ایالتلری دولت رهبری جو بایدن, تویتر آرقه لی بیرگن بیاناتیده, "ینه جمهوررئیس ایتیب سیلنگن لیگی اوچون جمهوررئیس اردوغان گه تبریک بیلدیره من.  ناتو متفق لری اوله راق ایکّی تامانلمه مسئله لر و اورتاق خلق ارا معما لر حقیده بیرلیکده فعالیت یوریتیش گه دوام ایتدیریش نی صبرسیزلیک بیلن کوتماقده میز" دییه قید ایتدی. 

فرانسه جمهوررئیسی امانوئل ماکرون, آلمان باش وزیری اولاف شولتس, انگلستان باش وزیری ریشی سوناک, ناتو عمومی منشی سی ینس استولتنبرگ, اوروپا اتفاقی کینگشی باشلیغی چارلز میشل, اوروپا اتفاقی کمیسیونی باشلیغی فون در لاین و بیرلشگن ملتلر تشکیلاتی عمومی منشی سی آنتونیو گوترش سیلاو ده گی موفقیتی سببلی جمهوررئیس اردوغان گه تبریک بیلدیردی. 

عینی دمده, قطر, شمالی مقدونیه, ناروی, سویدن, اوکراین, پاکستان, لیبیا, الجزایر, سنگال, ساحل عاج, تورکمنستان, اوزبیکستان, هنگری, ونزوئلا, ایران, فلسطین, آلبانیا, کوسووا, عراق, سومالیا, گرجستان, لبنان, تونس, بلاروس, سودان, اردن, ارمنستان, اسرائیل, بوسنیا- هرزگوینا, مالدوا, گینه بیسائو, برازیل, بلجیم, کویت, بیرلشگن عرب امیرلیکلری, اطریش, هالند, ایتالیا, مالتا, عمان, بحرین, سعودی عربستان, یمن, زامبیا, آرژانتاین, پاراگوای, کیوبا, بولیویا, اکوادور, گواتامالا, دومینیک جمهوریتی, کولمبیا, مکسیکو, پیرو, السلوادور, کوستا ریکا و قیرغزستان رهبر لری هم سیلاو نینگ ایکّینچی دوریده گی موفقیتی سببلی جمهوررئیس اردوغان گه تبریک بیلدیردی.