اردوغان یوز مینگلب سوریه لیک مهاجر نینگ قیتریب یوباریله دیگن لیگینی بیلدیردی

تورکیه جمهوریتی جمهوررئیسی رجب طیب اردوغان, تورکیه رادیو تلویزیونی (تی آر تی) نینگ اورتاق کورسه توویده کون ترتیبیده گی مسئله لر بیلن علاقه لی سئوال لر گه جواب قیتردی. 

اردوغان, اولکه لریده گی ایچکی اوروشلر سببلی قاچیب تورکیه گه کیلگن سوریه لیک لرنینگ امنیت بیر شکلده قیتریب یوباریلیشی اوچون فعالیت لرنینگ دوام ایتیاتگن لیگینی معلوم قیلدی. 

امنیت بیر شکلده قیتیب کیتیش لری اوچون سوریه نینگ شمالیده بریکت اویلر قورگن لیک لری, حاضرگی کونگه قدر 560 مینگ سوریه لیک نینگ اولکه لری گه قیتریب یوباریلگن لیکلرینی معلوم قیلگن اردوغان, "هدفی میز بیر میلیون مهاجر نی او ییرلر گه یوباریش دن عبارت.  البته که بو وقت نینگ اوتیشی بیلن بوله دی.  سوریه لیک لرنینگ امنیت بیر شکلده وطن لری گه قیتیش لری اوچون سعی و حرکت قیلماقده میز" دییه قید ایتدی. 

چیگره لرده اینگ ایلغار تکنالوژی لردن فایده له نیاتگن لیک لری نی بیلدیرگن اردوغان, اوز سوزلرینی, "تورکیه نینگ چیگره لری هیچ قچان مونچه لیک امنیت بولمه گن ایدی" شکلیده دوام ایتدیردی. 

سوریه نینگ شمالیده تورک اردوسی موجودیتی نینگ دوام ایته دیگن لیگینی بیلدیرگن اردوغان, "سوریه نینگ شمالیدن عسکر لرنی چیقریشینگیز تقدیرده هم امنیت بولمه یدی و همده تورکیه گه قاچاق اوته دیگن کیشی لر سانی آرتیب کیته دی" دییه قید ایتدی. 

بولووچی ترور تشکیلاتی پ.ک.ک گه قرشی موفقیتلی کوره ش نینگ دوام ایتیاتگن لیگینی بیلدیرگن اردوغان اوز سوز لرینی, "پ.ک.ک و اونینگ بیلن ارتباطی بولگن لر گه قرشی کوره شی میز نی تورکیه و چیت ایللرده دوام ایتدیریش بوییچه قرارلی میز. مرکز لرینی ویران قیلماقده میز" شکلیده دوام ایتدیردی.