تورکیه تشقی ایشلر وزیری چاووش اوغلی تورک دولتلری تشکیلاتی حقیده پیام ترقه تدی

تورکیه جمهوریتی تشقی ایشلر وزیری مولود چاووش اوغلی, اجتماعی ترماق آرقه لی بیرگن بیاناتیده, "تورک دولتلری تشکیلاتی بیر خیال دن عبارت ایدی.  حقیقت گه ایلندی" دییه قید ایتدی. 

چاووش اوغلی, تویتر آرقه لی "تورک دولت لری تشکیلاتی, متشبث, انسانی و موثر تشقی سیاستی میز" عنوانی بیلن بیرگن بیاناتیده تورک دولت لری تشکیلاتی نینگ قوریلیش پروسه سی نی بهالنتیردی. 

چاووش اوغلی, میلادی 2009- ییلده قوریلیشی گه ییتکچیلیک قیلگن تورک کینگشینی میلادی 2021- ییلده استانبول رهبرلر ییغیلیشیده تورک دولت لری تشکیلاتی گه ایلنتیرگن لیکلرینی معلوم قیلدی. 

مولود چاووش اوغلی, اوزبیکستان نینگ انیق اعضا, هنگری و تورکمنستان نینگ ناظر اعضا بولیشی بیلن تشکیلات نینگ کینگه یگن لیگینی بیلدیردی.

تورکیه نینگ میلادی 2022- ییلده گی ریاستی دوریده شمالی قبرس تورک جمهوریتی نینگ اساسی قانون گه مطابق آتی و بیراغی بیلن تورک دولت لری تشکیلاتی نینگ ناظر اعضاسی بولگن لیگینی معلوم قیلگن چاووش اوغلی, "خلق ارا تورک اکادمیسی بیلن خلق ارا تورک مدنیتی و میراثی وقفی نی اوشبو تشکیلات دایره سیده بیرلشتیردیک" دییه قید ایتدی. 

تشکیلات دایره سیده مرکزی استانبولده بوله دیگن شکلده تورک سرمایه گذارلیک فوندی نی قورگن لیکلرینی بیلدیرگن چاووش اوغلی اوز سوزلرینی, "جدی کوچ رقابت لری نینگ باشله گن خوددی شوو دورده, اوتمیشی میز نینگ موجود بولگن جغرافیه میز بیلن مناسبت لری میزنی ینه ده چقورلشتیره میز" شکلیده دوام ایتدیردی.