هنگری جمهور باشلیغی آتاتورک نینگ قبرینی زیارت ایتدی

هنگری جمهور باشلیغی کتالین نواک جمهور باشلیغی رجب طیب ایردوغان نینگ دعوتی گه بناً تورکیه گه تشریف بیوردی. نواک همراهیده گی هیئات بیلن آتاتورک نینگ آبده قبریگه باریب گل قویدی و حرمت توختاوی عملگه آشیردی.

نواک آبده قبرنینگ خاص کتابی گه شو پیام نی یازدی:

"تورکیه جمهوریتی نینگ قورووچیسی مصطفی کمال آتاتورک نینگ مقبره سی نینگ قاشیده یوراکدن تاثیرلنگن لیگیمنی و چقور حرمتلریمنی بیلدیره من.

آتاتورک نینگ دولت قوریش فعالیتی برچه هنگری و تورک خلقی گه بیر مثال دیر. تورکیه – هنگری مناسبتلرینی رواجلنتیریش اوچون آلیب بارگن اورونوشلری بولمه گنده ایدی، ملتیمیز اورته سیده گی قرینداشلیک و متفقلیک بوگونگی کونده بونقه محکم بولمسدی.

هنگری – تورکیه جمهوریتی اورته سیده گی ایلک خلق ارا کیلیشووگه قول قوییلیشی نینگ 100 ییل لیگی گه ییتیب کیلگن شو وقتده بیرینچی یوز ییلده بولگندیک کیلگوسیده هم ینه یوتوقلی 100 ییل بارلیگینی اویله یمن"

نواک آبده قبر زیارتی نینگ آرتیدن جمهور رئیسلیک مجتمعیده جمهور باشلیغی رجب طیب ایردوغان تامانیدن رسمی مراسم آرقه لی کوتیب آلیندی.

اوچره شووده تورکیه – هنگری مناسبتلری هر تامانلمه کوزدن اوتکزیله دی و اوزارا همکارلیک نینگ کوچه یتیریلیشی بوییچه آتیله دیگن آدیملر تیلگه آلینه دی.

اوچره شوولرده اوزارا مناسبت قاله ویرسه تورکیه – اروپا بیرلیگی مناسبتلری بیلن بیرقطارده کون ترتیبیده گی ینگیلیکلر و گلوبال موضوعلر توغریسیده فکر المه شووی عملگه آشیریله دی.