تورکیه مدافعه وزیری دنمارکده قرآن کریم گه قیلینگن حرمتسیزلیک نی قتتیق قاره له دی

تورکیه جمهوریتی ملی مدافعه وزیری خلوصی آقر, دنمارکده قرآن کریم و تورک بیراغی گه قیلینگن حرمتسیزلیک نی قتتیق قاره له دی. 

آقر, تورکیه نینگ هتای ولایتیده چیگره ده گی حربی مرکزده کون ترتیبی ده گی موضوع لر حقیده بیانات بیردی.

دنمارکده تورکیه جمهوریتی ایلچیلیگی آلدیده قرآن کریم و تورک بیراغی گه قیلینگن حرمتسیزلیک توغریسیده گپیرگن آقر, "بو ایشلرنی قتتیق قاره له یمیز. بونینگ هیچ بیر شکلده سوز ایرکین لیگی اوله راق قبول ایتیلیشی ممکن ایمس. سوزده سوز ایرکین لیگی اوچون بو ایشلرنینگ قیلینگن لیگینی بیلدیریاتگن لر حقیقت دن هم ناتوغری یولده لر" دییه قید ایتدی. 

آقر, بونده ی تحریک ایتووچی حرکت لر گه اجازت بیریلیشی نینگ نفرت جرمی دن عبارت ایکن لیگینی ایسله تیب اوتدی. 

ملی مدافعه وزیری, "ناتو متفقی میز بولگن لر یاکه بولیش گه کاندید بولگن لر نینگ اوشبو موضوع لر خصوصیده ینه ده حساس بولیش لری, بو جیرکنچ ایشنی قیلگن لر گه قرشی زودلیک بیلن کیره کلی اقدام نی قیلیش لری و مدنی اولکه لرنینگ آلگن تدبیر لر گه اوخشش تدبیرلر آلیش لری کیره ک ایکن لیگینی ینه بیر بار ایسله تیب اوتماقچی من" دییه قید ایتدی.