تورکیه تشقی ایشلر وزیری چاووش اوغلی پاکستان و افغانستان گه قیغوداشلیک بیلدیردی
موضوع بوییچه پاکستان باش وزیری و تشقی ایشلر وزیری بیلن تیلفون آرقه لی سوزلشدی
تورکیه جمهوریتی تشقی ایشلر وزیری مولود چاووش اوغلی پاکستان باش وزیری شهباز شریف و تشقی ایشلر وزیری بلاول بتو زرداری بیلن تیلفون آرقه لی سوزلشوو اوتکزدی.
چاووش اوغلی ییر سیلکینیشی تاثیر قالدیرگن پاکستان گه قیغوداشلیک بیلدیردی و حیاتینی یوقاتگنلر اوچون تسلیت ایتدی.
تورکیه جمهوریتی تشقی ایشلر وزیرلیگی تامانیدن بیریلگن معلوماتگه کوره چاووش اوغلی شریف و زرداری بیلن تیلفون آرقه لی سوزلشگن.
چاووش اوغلی بو سوزلشووده افغانستان نینگ هندوکش تاغلریده یوزبیرگن و پاکستانگه هم تاثیر قالدیرگن 6،5 ریشتر ییر سیلکینیشی طفیلی قیغوداشلیک و تسلیت بیلدیریب پاکستان بیلن بیردملیکلرینی تیلگه آلگن.
پاکستان باش وزیری شریف و تشقی ایشلر وزیری زرداری هم چاووش اوغلی گه منتدارچیلیک بیلدیرگن.
تشقی ایشلر وزیری چاووش اوغلی تویتر آدرسی آرقه لی انگلیسچه ترقه تگن پیامیده ییر سیلکینیشی تاثیر قالدیرگن پاکستان، افغانستان، قزاقستان، قرغزستان، اوزبیکستان، تورکمنستان، تاجکستان و هندوستان بیلن بیردملیک ایچیده ایکن لیکلرینی معلوم قیلیب
"بیزنینگ فکریمیز و دوعالریمیز (ییر سیلکینیشیدن) تاثیرلنگنلر بیلن دیر" دیب پیام بیردی.
چاووش اوغلی پاکستان و افغانستان ده حیاتینی یوقاتگنلرنینگ عایله لریگه قیغوداشلیک بیلدیردی.
افغانستان نینگ هندوکش منطقه سیده حمل آیی نینگ بیرینچی کونیده 6،5 ریشتر ییر سیلکینیشی یوز بیررکن پاکستان قاله ویرسه هندوستان بیلن بیر قطارده بعضی بیر اورته آسیا اولکه لرینی کوچلی شکلده لرزه بیرگندی.
