جمهوررئیس اردوغان مهم بیاناتلر بیردی

تورکیه جمهوریتی جمهوررئیسی رجب طیب اردوغان, 6- فبروری ده یوز بیرگن, مرکزی تورکیه نینگ قهرمان ماراش ولایتیدن عبارت بولگن و 11 ولایت نینگ تاثیرلنگن زلزله لرده حیاتینی یوقاتگن لر سانی نینگ 46 مینگ 104 نفر گه ییتگن لیگینی بیلدیردی. 

اردوغان, جمهوررئیسلیک کابینه ییغیلیشی آرتیدن بیرگن بیاناتیده, جمهوریت تاریخی نینگ اینگ قتتیق جانی و مالی خساره سی گه سبب بولگن زلزله لر و اوندن کیین یوز بیرگن کیچیک ییرقیمیرلش حادثه لری باعث تورک ملتی گه همدردلیک بیلدیردی. 

اردوغان, "زلزله ده حیاتینی یوقاتگن 46 مینگ 104 نفر وطنداشی میز گه الله دن رحمت و یقین لری گه صبر تیلرایکن, اوشبو خصوصده قیغوداشلیک بیلدیره میز" دییه قید ایتدی. 

زلزله نینگ یوز بیرگن کون دن بیری دولت و ملت نینگ برچه امکانیت لری بیلن حادثه محلی گه ییتیب بارگن لیگینی بیلدیرگن اردوغان, کانتینر شهر لر نی قوره باشله گن لیک لری, 2 آی گه قدر 100 مینگ کانتینر قوریب, ییرقیمیرلش حادثه سیدن تاثیرلنگن ینه یریم میلیون کیشی اوچون یخشی شرایط تامین ایتیب بیره دیگن لیکلرینی معلوم قیلدی. 

اردوغان, زلزله نینگ یوز بیرگن منطقه ده 405 مینگی آپارتمان اویی و 83 مینگی ایسه قیشلاق اویی دن عبارت توپلم 488 مینگ ینگی اوی نینگ قوریلیب, انسان لر گه تاپشیریله دیگن لیگی نی بیلدیردی. 

جمهوررئیسلیک و عمومی سیلاو لرنینگ 14- می کونی بولیب اوته دیگن لیگینی بیلدیرگن اردوغان, سیلاو پروسه سیده هم آجندا لری نینگ ینه زلزله دن عبارت بوله دیگن لیگی نی معلوم قیلدی. 

اردوغان, 10- مارچ کونی سیلاو گه قرار قیلیب بیر کون کیین ایسه رسمی روزنامه ده نشر ایتیلیشی بوییچه پروسه نی باشله ته دیگن لیک لری نی بیلدیردی.