تورکیه ده زلزله عاقبتیده حیاتینی یوقاتگنلر سانی اون ایکّی مینگ نفردن آشدی

مرکزی تورکیه نینگ قهرمان ماراش ولایتی بولگن 7.7 و 7.6 ریشترلیک ییرقیمیرلش حادثه لریده حیاتینی یوقاتگنلر سانی 12 مینگ 873 نفرگه ییتدی.

تورکیه جمهوریتی آفت و عاجل وضعیتلر باشقرمه سی, جاری آی نینگ 6- کونیده یوز بیرگن زلزله دن تاثیرلنگن منطقه ده 12 مینگ 873 کیشی نینگ حیاتینی یوقاتگن لیگی و 62 مینگ 937 نفر نینگ ایسه یره لنگن لیگینی بیلدیردی. 

قوله گن 6 مینگ 444 بنا نینگ آستیده قالگن کیشی لرنینگ قوتقریلیشی بوییچه قیدیرو- قوتقرو فعالیت لری دوام ایتماقده. 

ساحه ده 113 مینگ 201 پرسونل نینگ فعالیت یوریتیاتگن لیگی بیلدیریلدی.

منطقه گه یوباریلگن 94 مینگ دن آرتیق خیمه دن 73 مینگ 11 ته سی قوریلدی. 

منطقه گه 95 سیار آشپزخانه, 79 ته نان ترقه ته دیگن موتر, 4 سیار تندور, 39 صحرا آشپزخانه سی, 1 کانتینر آشپزخانه و 86 خدمت واسطه سی یوباریلدی.