تورکیه ده زلزله عاقبتیده سکّیز یریم مینگ دن آرتیق کیشی حیاتینی یوقاتدی

مرکزی تورکیه نینگ قهرمان ماراش ولایتی بولگن 7.7 و 7.6 ریشترلیک ییرقیمیرلش حادثه لریده حیاتینی یوقاتگنلر سانی 8 مینگ 574 نفرگه ییتدی.

جاری آی نینگ 6- کونیده یوز بیرگن زلزله دن تاثیرلنگن منطقه نی کوریب چیققن تورکیه جمهوریتی جمهوررئیسی رجب طیب اردوغان, 8 مینگ 574 نفر نینگ حیاتینی یوقاتگن لیگی و 49 مینگ 133 کیشی نینگ ایسه یره لنگن لیگینی معلوم قیلدی. 

قوله گن 6 مینگ 444 بنا نینگ آستیده قالگن کیشی لرنینگ قوتقریلیشی بوییچه قیدیرو- قوتقرو فعالیت لری دوام ایتماقده. 

منطقه گه یوباریلگن 90 مینگ دن آرتیق خیمه دن 70 مینگ 818 ته سی قوریلدی. 

ساحه ده 96 مینگ 670 نفر قیدیرو- قوتقرو پرسونلی نینگ فعالیت یوریتیاتگن لیگی بیلدیریلدی.

تورکیه جمهوریتی ساغلیق نی سقلش وزیری فخرالدین کوجه هم, زلزله دن تاثیرلنگن 10 ولایتده 77 سیار کسلخانه قورگن لیک لرینی بیلدیررایکن, "عاجل وضعیتلر اوچون قوریلگن اوشبو کسلخانه لرنینگ بیر بولیمیده جراحی عملیات لرنینگ هم قیلینیشی ممکن.  ساغلیق وضعیتی یمان بولگن کیشی لر دستلبکی طبی مداخله لر آرتیدن هلیکوپتر لر بیلن منطقه ده گی کسلخانه لر گه انتقال ایتدیریلماقده" دییه قید ایتدی.