کاتولیکلرنینگ ییتکچیسی پاپ ییرقیمیرلش یوزبیرگن منطقه لر اوچون یاردم بیریلیشی بوییچه چقیریق قیلدی

کاتولیکلرنینگ روحانی ییتکچیسی و واتیکان دولت باشلیغی پاپ فرانسیس 6 فبروری تاریخده یوزبیرگن و مرکزی قهرمانمره ش ولایتی بولیب 10 ولایت گه سلبی تاثیر قالدیرگن 7.7 و 7.6 رشتر ییرقیمیرلشلرنینگ آرتیدن تورکیه و سوریه ده گی فلاکتدن تاثیرلنگنلر اوچون همکارلیک چقیریغی قیلدی.

واتیکانده چهارشنبه کونلری اوتکزگن کینگش جلسه سیده سوز یوروتگن پاپ تورکیه ده یوزبیرگن و سوریه قاله ویرسیه کینگ بیر ساحه گه تاثیر قالدیرگن زلزله فلاکتینی تیلگه آلدی.

پاپ فرانسیس؛

"شو وقت مین و فکریم مینگلب کیشی نینگ اولیشی گه و یره لنیشی گه سبب بولگن ییرقیمیرلش حادثه سیدن جدی شکلده تاثیرلنگن تورکیه و سوریه نینگ خلقی نینگ یانیده من. اولر اوچون کوچلی تویغولر بیلن دوعا قیله من. بو ییقووچی فلاکتدن سلبی تاثیرلنگن برچه و خلقلرگه یقین لیگیم نی بیلدیره من" دیب ایتدی.

برچه نی بو فلاکت گه قرشی زلزله یوزبیرگن منطقه لر بیلن همکارلیک ایچیده بولیش گه چقیرگن پاپ؛

"بو قرینداشلریمیزنینگ، بو تراژیدی گه قرشی آلغه باریشلری اوچون بیرگه لیکده دوعا قیله یلیک" دیدی.

پاپ شونده ی بولیب قیین هوا شرطلری بیلن بوزیلیب کیتگن یوللر کبی قیینچیلیکلرگه دوچ قالگن و بو قیین شرطلرده حیاتلرنی قوتقریش اورونیشیده بولگن یاردم ملارملریگه منتدارچیلیک بیلدیریب اولر اوچون دوعا قیلیش نی طلب ایتدی.