تورکیه ده ییر قیمیرلش یوزبیردی

تورکیه نینگ قهرمانمرش ولایتی پازارجیک تومنیده 7،4 رشتر ییرقیمیرلش یوزبیردی. عاقبتیده 76 کیشی حیاتینی یوقاتدی، 440 کیشی ایسه یره لندی.

آفت و عاجل وضعیت باشقرووی تامانیدن بیریلگن بیاناتده،

"76 کیشی حیاتینی یوقاتدی، 440 کیشی ایسه یره لندی. قهرمانمرشده گی ییرقیمیرلش تورکیه وقتی بیلن کیچه لب ساعت 04:17 ده 7 کیلومتر ییر آستیده یوزبیردی" دییلدی.

ییر قیمیرلش حادثه سی 10 دن آرتیق ولایتده حس ایتیلدی.

آفت نینگ آرتیدن خلق ارا یاردمنی اوز ایچی گه آلگن 4- سویه آگاهلنتیروو وضعیتی ایتیب اعلان قیلیندی.

منطقه ده بعضی بیر بنالرنینگ ییقیلیب کیتگن لیگی و قیدیروو قوتقروو اورونیشلری دوام ایتیب تورگن لیگی بیلدیریلدی.

شونده ی بولیب جمهور باشلیغی رجب طیب ایردوغان ییر قیمیرلش حادثه سی نینگ آرتیدن نشر قیلگن پیامده؛

"قهرمانمرشده یوزبیرگن و اولکه میزنینگ انچه منطقه سیده حس ایتیلگن ییر قیمیرلش حادثه سیدن سلبی تاثیرلنگن برچه وطنداشلریمیزگه قیغوداشلیک بیلدیره من" دیب ایتدی.

جمهور باشلیغی اورینباسری فواد اوکتای و بعضی بیر وزیرلر ایسه زلزله نینگ آرتیدن فعالیتلرنی آفاد علاقه مرکزیده باشقرماقده دیر.