توقیز اولکه نینگ انقره بویوک ایلچیسی تشقی ایشلر وزیرلیگی گه چقیریلدی

تورکیه ده ترورچیلیک تهدیدی بهانه سی بیلن کونسللیکلرینی وقتینچه لیک یاپیب قویگن 9 اولکه نینگ  انقره بویوک ایلچیسی تورکیه جمهوریتی تشقی ایشلر وزیرلیگی گه چقیریلدی.

دیپلوماتیک منبعلر ترورچیلیک تهدیدی بهانه سی بیلن کونسللیکلرینی وقتینچه لیک یاپیب قویگن امریکا قوشمه ایالتلری، هالند، سویس، سویدن، انگلستان، آلمان، بلجیم، فرانسه و ایتالیانینگ بویوک ایلچیلری نینگ تشقی ایشلر وزیرلیگی گه چقیریلگن لیگینی بیلدیردی.

بویوک ایلچیلرگه موضوع بوییچه ناراضیلیک بیلدیریلگن لیگی و تورکیه ده جایلشگن برچه دیپلوماتیک باشقرمه لرنینگ خوفسیزلیکلری نینگ خلق ارا کیلیشوولرگه کوره تامین ایتیلگن لیگی ایسله تیلگن لیگی قید ایتیلدی.

بونده ی بیر وقتده عملگه آشیریلگن فعالیتلرنینگ متناسب و احتیاطکار یانداشوونی تشکیل ایتمه گن لیگی، بونده ی یانداشوولر فقط ترور تشکیلاتلری نینگ مکار کون ترتیبی گه خذمت قیلگن لیگی تاکییدلندی.  

دوست و متفق اولکه لردن تورکیه نینگ خوفسیزلیک باشقرمه لری بیلن همکارلیک ایچیده بولیشلری کوتیلگن لیگی افاده ایتیلدی.