ایردوغان اسلام عالمی اساسی قانون سودی کنفرانسی آچیلیش کنگره سیده گپیردی

جمهورباشلیغی رجب طیب ایردوغان، اوز مستعمره چی اوتمیشلرینی تن آلیش نی قیلالمه گنلرنینگ هر آغزینی آچگنده انسان حقلریدن و حقوق نینگ اوستونلیگیدن گپیرگنینی ایتدی.

جمهور باشلیغی ایردوغان، استانبول دولمه باغچه سراییده اویوشتیریلگن اسلام عالمی اساسی قانون سودی کنفرانسی آچیلیش کنگره سیده گپیردی.

ایردوغان جنابلری بوگون باشله گن و ایککی کون دوام ایته دیگن کنفرانسده حقوق نینگ اوستونلیگی، دموکراسی و انسان حقلریگه حرمت کبی موضوعلرده فایده لی تارتیشوولرنینگ بولیب اوته جگینی اورغوله دی.

"اسلام عالمی اینیقسه حقوق و عدالت توغریسیده انچه حقسیز، اساسسیز و انصافسیز تنقیدلرگه دوچ قالماقده" دیب ایتدی.

جمهور باشلیغی ایردوغان " اوز مستعمره چی اوتمیشلرینی تن آلیش نی قیلالمه گنلرنینگ هر آغزینی آچگنده انسان حقلریدن و حقوق نینگ اوستونلیگیدن گپیرماقده. موضوع اوز خوفسیزلیکلری بولگنده هر تاماننی ییقیب کویدیرگنلر بیزنینگ عدالت توزومیمیزگه اره لشسه دیلر. دنیانینگ تورلی منطقه سیده قولی قانلی ترور تشکیلاتینی قوللب – قوتلشدن اویه لمه گنلر بیزگه انسان حیاتی نینگ مقدس لیگیدن گپیره دیلر" دیب ایتدی.

جمهور باشلیغی؛

"سوریه لیک، عراقلیک و افریقالیک کوچمن لرگه ایشیکلرینی یاپیب قویگن اداره لر، موضوع پی کاکا ایزداشی و فتو ایزداشی تروریست جنگریلر بولگنده اولرگه قرشی انچه صمیمی یانداشوو کورسته دیلر" دیب ایتدی.

انسان شرفی اورنیده فقط اوز برقرارلیک و منفعتلرینی اویله گنلرنینگ نا توغری توزوملرینی دوام ایتتیریش چانسی بولمه گن لیگینی افاده ایتگن ایردوغان؛

"آخر بولسه بو عدالتسیز توزوم ییقیله دی، انشالله اورنیده برچه انسانیت گه خذمت قیلووچی توزوم کیله دی" دیدی.