تورکیه - امریکا قوشمه ایالتلری تشقی ایشلر وزیرلری اوزارا سوزلشوو اوتکزدی
چاووش اوغلی تورکیه نینگ ترورچیلیک که قرشی کوره ش گه دوام ایته جگینی تاکییدله گن
تورکیه تشقی ایشلر وزیری مولود چاووش اوغلی، امریکا قوشمه ایالتلری تشقی ایشلر وزیری انتونی بلینکن بیلن تیلفون آرقه لی سوزلشوو اوتکزدی.
اوشبو سوزلشووده چاووش اوغلی، تورکیه نینگ سوریه ده ترورچیلیک که قرشی کوره ش گه قرارلیلیک بیلن دوام ایته جگینی تاکییدله گن.
تورکیه جمهوریتی تشقی ایشلر وزیرلیگی تامانیدن بیریلگن بیاناتده، چاووش اوغلی بیلن بلینکن نینگ تیلفون آرقه لی سوزلشگن لیگی ایککی تامان نینگ غله و حبوبات کیلیشووی قاله ویرسه اوکراینده گی سونگگی ینگیلیکلر، ناتونینگ کینگه یشی، تورکیه نینگ ف-16 حربی اوچاق تداریک جریانی و انقره بیلن واشنگتن اورته سیده کیلگوسی باسقیچده اوزارا سفر تقویمی نینگ تیلگه آلینگن لیگی بیلدیریلدی.
بیاناتده، خوددی شو سوزلشووده سوریه ده گی سونگگی ینگیلیکلرنینگ هم مطرح بولگن لیگی، تورک وزیر چاووش اوغلی نینگ، تورکیه نینگ ترورچیلیک که قرشی کوره ش گه قرارلیلیک بیلن دوام ایته جگینی تاکییدله گن لیگی قید ایتیلدی.
