اردوغان, پوتین و زلنسکی بیلن سوزله شه دی

اوشبو مطلب نی اردوغان نینگ اوزی بیلدیردی

1917034
اردوغان, پوتین و زلنسکی بیلن سوزله شه دی

تورکیه جمهوریتی جمهوررئیسی رجب طیب اردوغان, غله بیلن علاقه لی قیین چیلیک نی ییچیش اوچون یکشنبه کونی روسیه جمهوررئیسی ولادیمیر پوتین و اوکراین جمهوررئیسی ولادیمیر زلنسکی بیلن سوزله شه دیگن لیگی نی معلوم قیلدی. 

استانبولده تی آر تی ورلد فوروم 2022 نینگ آچیلیش قسمیده معروضه قیلگن جمهوررئیس اردوغان, جاری ییلده گی ییغیلیش نینگ, کرونا ویروس پاندمیسی و روسیه- اوکراین اوروشی سببلی خلق ارا مقیاسده وضعیت نینگ یمانلشگن بیر دورده بولیب اوتیاتگن لیگی نی بیلدیردی. 

روسیه بیلن اوکراین اورته سیده گی اوروش نینگ, جدی جانی خساره دن تشقری, منطقه و دنیا اوچون قتتیق اقتصادی و سیاسی معما لر گه سبب بولگن لیگی نی بیلدیرگن اردوغان, تینچلیک نینگ اورنه تیلیشی اوچون جداً سعی و حرکت قیلیاتگن لیک لری و اوکراین نینگ ارضی تمامیتی نی کوچلی بیر شکلده خواهلیاتگن لیک لری نی ایسله ترایکن, روسیه گه قرشی عقللی بولمه گن سیاست لر بیلن منطقه ده گی وضعیت نینگ یمانلشتیریلیشی گه مخالف ایکن لیک لری نی معلوم قیلدی. 

اوروش سببلی غله و باشقه مهم محصولات نینگ اوکراین و روسیه دن صادراتی نینگ توخته تیلیشی نینگ, اوروپا دن باشلب افریقا گه قدر بولگن کینگ بیر جغرافیه غذایی بحران گه سبب بولگن لیگی نی معلوم قیلگن اردوغان, اوشبو معما نی ییچیش اوچون یکشنبه کونی پوتین و زلنسکی بیلن سوزله شه دیگن لیگی نی بیلدیردی. 

جمهوررئیس اردوغان, "اژه و آقدینگیزده یونان نی تینگسیز بیر شکلده قوللب- قوتلب تحریک تشبث لری نی حمایه لیاتگن لر گه قرشی سیس سیز بولمه دیک و بولمه یمیز. ناتو ده بیرگه میز و کیلیب یونان نینگ ارال لری نی قوراللنتیره سن, پولی بیریلگن گه قره می بیز اف – 16 لر بیلن علاقه لی مسئله نی ییچه آلمه دیک" دییه قید ایتدی. 

جمهوررئیس اردوغان, تورکیه نینگ کوره شیاتگن ترور تشکیلات لری نی یاشیرین یاکه آچیق بیر شکلده قوللب- قوتلیاتگن اوروپا بیلن اورتاق خیال قوریش نینگ قیین ایکن لیگی نی بیلدیردی. 

اردوغان, "بیز قیلیاتگن برچه فداکارلیک لر گه قره مسدن وحدتی میز نی تهدید ایتیاتگن ترور تشکیلات لری گه قرشی کوره شی میزده یالغیزلشتیریلگن لیگی میزنی هیچ قچان ایسدن چیقارمه یمیز.  مینگلب موتر سلاح و مهمات سوریه نینگ شمالیده گی ترور تشکیلاتی گه یوباریلدی.  بو لرنی یوبارگن ایسه ناتو ده بیز بیلن بیرگه بولگن اولکه./.../ ترورچی لر گه قرشی کوره شی میزده هیچ کیمسه نینگ بیز دن حساب سوره شی ممکن ایمس.  چیگره لری میز نینگ امنیتی نی تائید ایتیش اوچون باشله تیلگن قرارلی لیککه ایگه ایکن لیگی میز نی همه گه کورسه تیب بیردیک" دییه قید ایتدی. 



علاقه لی ینگی لیکلر