تورکیه بیلن روسیه اورته سیده سیاسی مصلحتلشوو بولیب اوته دی

تورکیه بیلن روسیه اورته سیده گی سیاسی مصلحتلشوو 8-9 دسامبر کونلری تورکیه ده بولیب اوته دی.

تورکیه تامانیدن سوریه نینگ شمالیده گی ترور تشکیلاتلریگه قره ته آلیب باریله دیگن احتمالی ییر عملیاتی کون ترتیبیده ایکن روسیه دن استانبول گه مهم بیر سفر عملگه آشیریلماقده.

روسیه تشقی ایشلر وزیری اورینباسری سرگی ویرشینین تورکیه گه تشریف بیوره دی.

ایرته آقشم وقتی استانبول گه کیلیب توشیشی کوتیلگن ویرشینین جمعه کونی اوچره شوولر اوتکزه دی.

کون ترتیبی سوریه نینگ شمالیده گی ینگیلیکلردن عبارت. شونده ی بولیب تورکیه – سوریه مناسبتلری هم تیلگه آلینه دی.

جلسه ده، بیرلشگن ملتلر تشکیلاتی و غله حبوبات کیلیشووی نینگ عملی قیلینیشی کبی موضوعلر قاله ویرسه لیبیا، فلسطین کبی منطقوی موضوعلر اوستیده باش قاتیریلیشی کوتیلماقده.