سابق جمهور باشلیغی حامد کرزی بیلن تورکیه تشقی ایشلر وزیری چاووش اوغلی اوزارا سوزله شوو اوتکزدی
تورکیه تشقی ایشلر وزیری استونیالیک هیئات نی هم قبول قیلیب اوچره شدی
تورکیه تشقی ایشلر وزیری مولود چاووش اوغلی، استونیا پارلمانی تشقی ایشلر کمیسیونی باشلیغی مارکو میحکلسون و تشقی ایشلر کمیسیون اعضالرینی قبول قیلیب اوچره شدی.
تشقی ایشلر وزیری چاووش اوغلی، بو اوچره شوو بیلن تیگیشلی اوله راق اجتماعی ترماق آرقه لی معلومات بیردی.
" استونیا پارلمانی تشقی ایشلر کمیسیونی هیئاتینی کوتیب آلدیک." دیب اوشبو هیئات بیلن اوکراینده گی وضعیت نی تیلگه آلگن لیکلرینی و ناتونینگ کینگه یشی توغریسیده فکر المه شووی عملگه آشیرگن لیکلرینی بیلدیردی.
شونده ی بولیب تشقی ایشلر وزیری چاووش اوغلی، سابق افغانستان جمهور باشلیغی حامد کرزی، بیرلشگن ملتلر تشکیلاتی افغانستان خاص نماینده سی ایتیب تعیینلنگن سابق قرغزستان جمهور باشلیغی روزه اوتونبایوه و چیکیا تشقی ایشلر وزیری یان لیپاوسکی بیلن علیحده علیحده تیلفون آرقه لی سوزلشدی.
تشقی ایشلر وزیرلیگی تامانیدن بیریلگن بیاناتگه کوره، چاووش اوغلی اوتونبایوه نی ینگی وظیفه سی بیلن قوتله گن لیگی شونده ی بولیب چیک کسبداشی بیلن اروپا سیاسی همجمعیتی جلسه سی بیلن تیگیشلی صحبت قیلگن لیگی قید ایتیلدی.
چاووش اوغلی نینگ کرزی بیلن بولیب اوتگن اوچره شووی حقیده معلومات بیریلمه دی.
