اردوغان پوتین بیلن سوزله شدی

اوشبو صحبت تلفن آرقه لی بولیب اوتدی

1886712
اردوغان پوتین بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی, روسیه دولت رهبری ولادیمیر پوتین بیلن سوزله شدی. 

جمهوررئیسلیک علاقه باشقرمه سی تامانیدن بیریلگن بیاناتده, اوشبو صحبتده 24- فبروری دن بیری دوام ایتیاتگن روسیه- اوکراین اوروشی بوییچه سونگّی ینگیلیک لر باره سیده بحث ایتیلگن لیگی بیلدیریلدی. 

جمهوررئیس اردوغان اوشبو صحبتده, اوزاق بیر مدت باش قاتیریلگن روسیه- اوکراین اورته سیده اسیر اولمه شووی پروسه سی نینگ مثبت نتیجه بیرگن لیگی و بیرلشگن ملت لر تشکیلاتی نینگ هم قوشگن حصه سی بیلن اوکراین غله سی نینگ دنیا بازار لری گه ییتکزیب بیریلیشی حقیده گی استانبول کیلیشووی نینگ عملی بولیاتگن لیگی سببلی خرسندچیلیک بیلدیردی. 

نوامبر آییده مدتی توگه یدیگن اوشبو میکانیزم نینگ چوزیلیشی نینگ مشترک منفعت لر گه اویغون ایکن لیگی نی بیلدیرگن جمهوررئیس اردوغان, روسیه کودی و غله سی نینگ صادراتی نینگ اوزلوکسیز دوام ایتیشی بوییچه هم فعالیت لرنی دوام ایتتیریاتگن لیک لری نی معلوم قیلدی. 

جمهوررئیس اردوغان, مثبت ینگیلیک لر اوچون شرایط یره تیلیب بیریلیشی مقصدی بیلن بحران نینگ کمه یتیریلیشی بوییچه قدم لرنینگ ضرورت ایکن لیگی نی بیلدیررایکن, مسکو دن هم اوکراین ده گی ایریم منطقه لرنی روسیه گه الحاقی سنگری بعضی مسئله لرده, بو پروسه نی قولایلشتیره دیگن قدم لر تشله شی نینگ کوتیلیاتگن لیگی نی بیلدیردی. 

پوتین دن مذاکره لر اوچون بیر چانس بیریشی نی طلب قیلگن اردوغان, اوشبو پروسه بوییچه ایش نی آسان قیلووچی رول اوینه ش گه تیار ایکن لیک لری نی معلوم قیلدی. 

اوشبو صحبت حقیده کرملین تامانیدن بیریلگن بیاناتده ایسه, تورکیه بیلن روسیه اورته سیده گی تجاری و اقتصادی مناسبت لرنینگ رواجله نیب باریاتگن لیگی و تجارت حجمی نینگ آرتیب کیتگن لیگی معلوم قیلینرایکن, روسیه دن تورکیه گه طبیعی گاز انتقالی و آق قویو هسته ای کوچ سنترالی نینگ قوریلیشی داخل, انرژی ساحه سی بوییچه همکارلیک نینگ مثبت بهالنتیریلگن لیگی بیلدیریلدی. 



علاقه لی ینگی لیکلر