اردوغان: بیرلشگن ملتلر تشکیلاتی نینگ قیته توزیلیشی کیره ک

جمهوررئیس اردوغان بیرلشگن ملتلر تشکیلاتی ییغیلیشیده معروضه قیلدی

1882398
اردوغان: بیرلشگن ملتلر تشکیلاتی نینگ قیته توزیلیشی کیره ک

تورکیه جمهوریتی جمهوررئیسی رجب طیب اردوغان, امریکا قوشمه ایالتلری نینگ نیویورک شهریده گی بیرلشگن ملتلر تشکیلاتی عمومی کینگشی سالونیده, بیرلشگن ملت لر تشکیلاتی 77- عمومی کینگشی ییغیلیشی اشتراکچی لری گه قره ته معروضه قیلدی.  

"اورتاق کیله جگی میز گه تاثیر قالدیره دیگن سیناو لر گه قرشی مشترک کون ترتیبی بیلن حرکت قیلیشی میز کیره ک بولگن بیر دورده میز" دییه قید ایتگن اردوغان, ینه ده عادلراق بیر دنیا اوچون بیرلشگن ملتلر تشکیلاتی نینگ قیته توزیلیشی کیره ک ایکن لیگی نی معلوم قیلدی. 

جمهوررئیس اردوغان اوز سوز لری نی, "دنیا 5 دن کتته و ینه ده عادلراق بیر دنیا نینگ ممکن ایکن لیگی حقیقتی نی ایتیش گه دوام ایته میز" شکلیده دوام ایتتیردی.

تورکیه نینگ تروریزم گه قرشی برچه تدبیر لر نی آلیشدن هیچ قچان واز کیچمه یدیگن لیگی نی بیلدیرگن اردوغان, "تروریزم گه قرشی هر خیل تدبیر نی آلیش گه قادر ایکن لیگی میز نی ینه بیر بار ایسله تیب اوتماقچی من" دییه قید ایتدی. 

عراقده گی وضعیت دن فایده له نیاتگن ترور تشکیلات لری نینگ تورکیه نی هدف قیلیب آلیاتگن لیگی نی معلوم قیلگن اردوغان اوز سوز لری نی, "تورکیه نینگ متفق لری دن تروریزم گه قرشی کوره ش بوییچه همکارلیک کوتیشی طبیعی بیر حال" شکلیده دوام ایتتیردی. 

یونان نینگ قاچاق مهاجر لر گه قرشی ظلمی نینگ آرتیب کیتگن لیگی نی بیلدیرگن اردوغان, اوشبو اولکه نینگ, مهاجر لرنی مسئولیت سیز بیر شکلده هیده ب یوباریاتگن لیگی نینگ اژه دینگیزی نی مهاجر لر قبرستانی گه ایلنتیریب قویگن لیگی نی معلوم قیلدی. 

جمهوررئیس اردوغان, عکس لر کورسه تیب, اوتگن هفته ده 9 آیلیک بیر چقه لاق, 4 یاشلی بیر باله و عایله سی نینگ یونان قیرغاق خوفسیزلیک کوچ لری نینگ قایق لری نی غرق قیلیشی نتیجه سیده حیاتی نی یوقاتگن لیگی گه دقت قره تدی. 

آتن رهبریتی نی بحران و تحریک لر نی بیر تامان گه قوییب تورکیه نینگ همکارلیک چقیریق لری گه قولاق سالیش گه چقیرگن اردوغان, شمالی قبرس تورک جمهوریتی نینگ رسماً تن آلینیشی کیره ک ایکن لیگی نی بیلدیردی. 

اورته شرقده ایسه ایکّی دولتلی ییچیم یولی نی حمایت قیلیاتگن لیک لری نی معلوم قیلگن اردوغان, بیت المقدس ده ناقانونی تورر جای لر قوریلیشی نینگ توخته تیلیشی, فلسطین لیک لرنینگ جانی و مالی خوفسیزلیگی نینگ تامین ایتیلیشی و پایتختی شرقی بیت المقدس دن عبارت بیر فلسطین دولتی نینگ قوریلیشی کیره ک ایکن لیگی گه دقت قره تدی. 

جمهوررئیس اردوغان, آذربایجان بیلن ارمنستان اورته سیده گی پروسه نی قوللب- قوتلیاتگن لیک لری نی بیلدیررایکن, "آذربایجان نینگ اشغال آستیده گی توپراق لری نینگ قوتقریلیشی بیلن قالووچی تینچ لیک اوچون تاریخی بیر امکانیت تامین ایتیلگن بولدی" دییه قید ایتدی. 



علاقه لی ینگی لیکلر