جمهور باشلیغی ایردوغان ترور تشکیلاتی داعش نینگ مهم بیر ییتکچیسی نینگ قولگه آلینگن لیگینی بیلدیردی

جمهور باشلیغی رجب طیب ایردوغان، ترور تشکیلاتی داعش نینگ اوزیچه مهم ییتکچیلریدن بولمیش "ابو زید/ استاد زید" کود آتیده گی تروریست جنگری بشار خطاب غزل الصمیدایی نینگ تورکیه ده قولگه آلینگن لیگینی بیلدیردی.

جمهور باشلیغی ایردوغان بالکانلر سفریدن قیتگونچه اوچاقده ژورنالیستلر بیلن قیلگن صحبتیده، امنیه باش قومندانلیگی بیلن استانبول امنیه قومندانلیگی و ملی استخبارات تشکیلاتی (میت) نینگ تروریزم گه قرشی کوره ش بوییچه مهم بیر یوتوق قولگه کیریتگن لیگینی و داعش نینگ اوزیچه مهم ییتکچیلریدن بولمیش "ابو زید/ استاد زید" کود آتیده گی تروریست جنگری بشار خطاب غزل الصمیدایی نینگ تورکیه ده قولگه آلینگن لیگینی معلوم قیلدی.

ایردوغان بو تروریست جنگری نینگ ترور تشکیلاتی داعش نینگ ییتکچیسی ابوبکر البغدادی و اوندن کیینگی ییتکچیسی عبدالله قرداش نینگ اولدیریلیشی نینگ آرتیدن تشکیلات نینگ ایچیده گی اوزیچه اینگ مهم ییتکچیلریدن بیرته سی ایکن لیگی گه دقت تارتدی.

ایردوغان قولگه آلینگن داعش منسوبی تروریست جنگری نینگ عدلی مقاملرگه تاپشیریلگن لیگینی قید ایتدی.

قولگه آلینگن تروریست جنگری داعش ترور تشکیلاتی نینگ باشقروویده اورین آلرکن شونده ی بولیب 11 جولایده یایینلنگن بیرلشگن ملتلر تشکیلاتی خوفسیزلیک کینگشی 30- فوق العاده راپوریده اورین آلماقده ایدی.