تورکیه تامانیدن افغانستان گه قیغوداشلیک بیلدیریلدی

تورکیه، توناون کونی افغانستان نینگ پایتختی کابلده جایلشگن روسیه بویوک ایلچی لیگی نینگ یقینیده اویوشتیریلگن تروریستیک هجومنی قاره له دی.

تورکیه جمهوریتی تشقی ایشلر وزیرلیگی تامانیدن بیریلگن بیاناتده؛

"کابلده جایلشگن روسیه فدراسیونی بویوک ایلچیلیگی یقینیده اویوشتیریلگن خودکش هجوم عاقبتیده ایچلریده بویوک ایلچیلیک ملازملری هم بولمیش انچه کیشی نینگ حیاتینی یوقاتگن لیگی و یره لنگن لیگی خبری ییتیب کیلگن دیر" دییلدی.

بیاناتده خوددی شو تروریستیک هجومنی قاره لب روسیه فدراسیونی گه و افغانستان خلقی گه قیغوداشلیک، یره لیلرگه عاجل شفا تیللگن.

کابل امنیه قومندانلیگی سوزچیسی خالد زدران خودکش هجومی عاقبتده 4 کیشی تینچ اهالی بیلن 2 نفر بویوک ایلچیلیک روس ملازمی نینگ جان بیرگن لیگینی و انچه تینچ اهالی نینگ یره لنگن لیگینی بیلدیرگندی.