اردوغان پوتین بیلن اوچره شدی

تورکیه جمهوریتی جمهوررئیسی رجب طیب اردوغان روسیه نینگ سوچی شهریده روسیه جمهوررئیسی ولادیمیر پوتین بیلن اوچره شدی. 

جمهوررئیس اردوغان, پوتین گه منتدارچیلیک بیلدیررایکن, تهران سفری آرتیدن 17 کونلیک بیر آره دن کیین ینه اوچره شگن لیک لری اوچون خرسند ایکن لیگی نی معلوم قیلدی. 

ایکله اولکه هیئتی نینگ تورکیه ده بولیب اوتگن اوچره شوو لری نینگ فایده لی بولگن لیگی نی بیلدیرگن اردوغان, "سیاسی, اقتصادی و تجاری ساحه لر بوییچه کوپلب موضوع لر حقیده گپیردی لر  و ایندی بیزنینگ اوشبو موضوع لردن کیین بیر نقطه قویشی میز ایشانه من که تورکیه – روسیه مناسبت لریده جوده فرقلی بیر صفحه نینگ آچیلیشی گه سبب بوله دی.  انرژی, قاره دینگیز یولی دن فایده له نیش, توریزم بوییچه اوچره شوو لر, ترانسپورت ساحه سیده تشلنگن قدم لر و بوگونگی یکّه مه یکّه اوچره شوو تورکیه بیلن روسیه نینگ منطقه ده گی رولی نینگ نمایان ایتیلیشی جهتی دن مهم" دییه قید ایتدی. 

روسیه جمهوررئیسی ولادیمیر پوتین, "اوروپا نینگ, روسیه دن اوزلوکسیز گاز کیلیاتگن لیگی سببلی تورکیه گه منتدارچیلیک بیلدیریشی کیره ک" دییه قید ایتدی. 

پوتین, اوز سوز لری نی, "سوریه بحرانی کبی منطقه مقیاسیده گی موضوع لر باره سیده بحث ایته میز.  تورکیه بو ییرده گی وضعیت نینگ یخشی له شیشی بوییچه حصه قوشماقده" شکلیده دوام ایتتیردی.