تورکیه جمهوریتی استخباراتی کتته موفقیت لر قولگه کیریتماقده

ترور تشکیلاتی پ.ک.ک اعضاسی کوپلب سوزده یوقاری مرتبه لی باشقروچی یوق قیلیندی

1847959
تورکیه جمهوریتی استخباراتی کتته موفقیت لر قولگه کیریتماقده

تورکیه, اوز حدود لری, عراق و سوریه گه قدر کینگیش بیر جغرافیه ده عملیات لرده قوراللی اوچووچیسیز اوچاق لردن فایده لنماقده. سونگّی پیت لرده سنجار و سلیمانیه ده اویوشتیریلگن عملیات لرده, ترور تشکیلاتی پ.ک.ک اعضاسی کوپلب سوزده یوقاری مرتبه لی باشقروچی یوق قیلیندی.  تورکیه جمهوریتی ملی استخبارات اداره سی نینگ اوشبو دایره ده گی ظرفیتی دقت لر نی اوزی گه تارترایکن, عینی دمده تخنیکی امکانیت لری نینگ هم قنچه لیک رواجلنگن لیگی اهمیت گه ایگه. 

جاری آی نینگ 7- کونیده عراق نینگ شمالیده گی سلیمانیه گه باغلیق کیلر منطقه سی نینگ چیکّه حدود لریده بیر موتر هوا دن قوراللی اوچووچیسیز اوچاق لر تامانیدن اوریلدی.  محلی منبع لر اوشبو موتر ده گی 5 کیشی نینگ اولدیریلگن لیگی نی بیلدیردی.  معلوم بیر مدت کیین خوددی شوو موتر ده گی کیشی لرنینگ ترور تشکیلاتی پ.ک.ک اعضاسی ترورچی لردن عبارت ایکن لیک لری و حتی اوشبو کیشی لردن بیری نینگ فرهاد دیریک ایکن لیگی معلوم قیلیندی.  دیریک ترور تشکیلاتی پ.ک.ک نینگ سوریه ساختاری نینگ "شمالی و شرقی سوریه خودمختار رهبریتی" اجرائیه کینگشی نینگ سوزده تینگ ریاستی نی آلیب باریاتگن مهم بیر کیشی دن عبارت ایدی.  دیریک نینگ یانیده گی ترور تشکیلاتی اعضاسی 4 نفر ترورچی بیلن بیرگه سلیمانیه نینگ چیکّه حدود لریده ایریم فعالیت لر یوریتگن لیگی اویلنماقده. 

دیریک نینگ سوریه دن شونچه لیک اوزاق بیر مسافه ده سلیمانیه نینگ چیکّه حدود لریده قنده ی قیلیب انیقله نیب اوریلگن لیگی دقت گه سزاوار بیر موضوع نی تشکیل ایتماقده.  اینیقسه تورکیه استخبارات اداره سی نینگ اوز ظرفیتی نی آرتیرگن لیگی نینگ درک ایتیلیشی جهتی دن.  اوشبو وضعیت, بحث موضوعی ترورچی لرنینگ سوریه دن باشلب عراق حدود لری گه قدر کوزه تیله آلگن لیگی, ایندی بشری و تخنیکی جهت دن بونینگ ممکن ایکن لیگی و همده تورکیه چیگره سیدن تقریباً 300 کیلومتر اوزاقده گی بیر موتر نینگ یوق قیلینه آلگن لیگی نی کورستماقده.  حقیقت دن هم تورکیه سونگّی ییل لرده استخبارات اوچون جدی سرمایه گذارلیک قیلیب اوشبو اداره نی خلق ارا مقیاسده مهم بیر مرکز گه ایلنتیردی.  جدی رقابت لر گه دوچ کیلیب قالگن تورکیه استخباراتی نینگ ینگی حقیقت لر گه اویغون بیر وضعیت گه کیلگن لیگی, همده بشری و تخنیکی جهت دن اوزی نی رواجلنتیرگن لیگی کورینماقده.  البته که تورک مدافعه صنایع سی نینگ سونگّی ییل لرده گی موفقیت لری هم اوشبو خصوصده کتته اهمیت گه ایگه.  اینیقسه تورکیه نینگ قوراللی اوچووچیسیز اوچاق لر بوییچه موفقیت لری استخبارات و هدف لر نی اوریش فعالیت لری گه جدی حصه قوشیب کیلماقده.  اوشبو توغریده سونگّی آی لرده عراق و سوریه ده قوراللی اوچووچیسیز اوچاق لردن فایده له نیلیب ترور تشکیلاتی پ.ک.ک نینگ کوپلب سوزده باشقروچی لری نینگ یوق قیلینگن لیگی نی مثال قیلیب کورسه تیشی میز ممکن.       



علاقه لی ینگی لیکلر