تورکیه مدافعه وزیری انگلستانلیک کسبداشی بیلن اوچره شدی

تورکیه جمهوریتی ملی مدافعه وزیری خلوصی آقر, اونینگ دعوتی گه بناً پایتخت انقره گه تشریف بویورگن انگلستان مدافعه وزیری بن والاس بیلن اوچره شدی. 

تورکیه ملی مدافعه وزیرلیگی تامانیدن بیریلگن بیاناتده, آقر نینگ والاس نی رسمی مراسم بیلن کوتیب آلگن لیگی بیلدیریلدی. 

آقر بیلن والاس یکّه مه یکّه اوچره شیش لری آرتیدن, هیئت لر ارا اوچره شوو لر نی باشقردی. 

اوکراین ده گی وضعیت, منطقه مقیاسیده گی مدافعه و خوفسیزلیک مسئله لری و همده مدافعه صنایع سی بوییچه همکارلیک کبی موضوع لر باره سیده بحث ایتیلگن اوچره شووده, آقر, تورکیه بیلن انگلستان اورته سیده گی مناسبت لرنینگ ستراتیژیک همکارلیک سویه سیده دوام ایتیاتگن لیگی نی معلوم قیلدی. 

آقر, مدافعه صنایع سی بوییچه همکارلیک نینگ صادرات لسانسی چیکلاوی نینگ بیکار قیلینیشی آرتیدن کسب ایتگن اهمیتی گه دقت قره ترایکن, پ.ک.ک- وای پی جی, داعش و فتو کبی ترور تشکیلات لری داخل تروریزم گه قرشی کوره ش حقیده همکارلیک نینگ اهمیتی گه دقت قره تدی. 

آقر, منطقه ده تینچلیک نینگ حاکم بولیشی اوچون اوکراین ده زود لیک بیلن آتشکیسین نینگ تامین ایتیلیشی کیره ک ایکن لیگی نی بیلدیررایکن, حبوبات بوییچه قیین چیلیک نینگ ییچیلیشی اوچون ارتباطلی بیر شکلده سعی و حرکت لرنینگ دوام ایتیاتگن لیگی نی معلوم قیلدی.