سعودی عربستان ولیعهد شهزاده سی محمد بن سلمان تورکیه گه تشریف بویوردی

سعودی عربستان ولیعهد شهزاده سی محمد بن سلمان, رسمی اوچره شوو لر اوتکزیش اوچون تورکیه گه تشریف بویوردی. 

بیر هیئت بیلن کیلگن محمد بن سلمان, تورکیه جمهوریتی جمهوررئیسی رجب طیب اردوغان تامانیدن پایتخت انقره ده, جمهوررئیسلیک قصریده رسمی مراسم بیلن کوتیب آلیندی. 

کیین اردوغان بیلن شهزاده سلمان اورته سیده یککه مه یککه و هیئت لر ارا اوچره شوو بولیب اوتدی. 

منطقه و خلق ارا مقیاسده گی ینگی لر باره سیده بحث ایتیله دیگن اوچره شوولرده, ایکله اولکه اورته سیده گی مناسبت لر کینگ کولملی اوله راق بهالنتیریله دی. 

بولیب اوته دیگن اوچره شوولرده اساساً اقتصاد باره سیده بحث ایتیله دی. 

اوچره شوو لرده تجارت دن باشلب ساغلیق نی سقلش و مدافعه صنایع سی گه قدر فرقلی ساحه لر بوییچه همکارلیک نینگ آرتیریلیشی حقیده سوز یوریتیله دی. 

اوشبو دایره ده تورکیه بیلن سعودی عربستان اورته سیده ایریم کیلیشوو لرنینگ امضاله نیشی کوتیلماقده. 

جمهوررئیس اردوغان هم 28- و 29- اپریل ده سعودی عربستان پادشاه سی سلمان بن عبدالعزیز نینگ دعوتی گه بناً جده گه تشریف بویوریب ایریم اوچره شوو لر اوتکزگن ایدی. 

عینی دمده 10- می کونی اردوغان بیلن بن سلمان اورته سیده تلفن آرقه لی بولیب اوتگن صحبتده ایکله اولکه اورته سیده گی مناسبت لر و منطقه مقیاسیده گی ینگی لر باره سیده بحث ایتیلگن ایدی.