اردوغان یونان نی آگاهلنتیردی

تورکیه جمهوریتی جمهوررئیسی رجب طیب اردوغان, "بیر عصر آلدین بولگن لیگی دیک پیشمان بوله دیگن خیال لردن و فعالیت لر دن اوزاق توریش و عقللی بولیش بوییچه یونان گه هشدار بیره میز" دییه قید ایتدی. 

اردوغان, تورکیه نینگ ازمیر ولایتی سفری حصار تومنیده بولیب اوتگن افس – 2022 حربی تطبیقاتی نینگ تیرمه ناظر کونیده معروضه قیلدی. 

جمهوررئیس اردوغان, "چیگره لری میز نینگ امنیتی نی 30 کیلومتر تشقریده تامین ایتیش بوییچه قرارلی لیگی میز نی باسقیچ مه باسقیچ عملی قیلماقده میز" دییه قید ایتدی.

اردوغان, اوز سوز لری نی, "اولکه میز نینگ چیگره لری یقینیده تروریزم مرکز لری نینگ قوریلیشی گه اجازت بیرمه یمیز, بونینگ اوچون امنیت خطی میز نینگ قالگن بولیمی نی هم البته که تکمیل قیله میز" شکلیده دوام ایتتیردی. 

جمهوررئیس اردوغان, "یونان نی حربی بولمه گن وضعیت ده گی ارال لر نی قوراللنتیریش دن وازکیچیش گه و خلق ارا کیلیشوو لر گه موافق حرکت قیلیش گه چقیره میز" دییه قید ایتدی. 

اردوغان اوز سوز لری نی قوییده گیچه دوام ایتتیردی:

"حرمتلی (یونان باش وزیری میچوتاکیس) میچوتاکیس هرحالده ارال لر گه توریست یوبارماقده.  بونده ی قیلیب بیر نرسه قیلیش ممکن ایمس.  تورکیه کیمسه نینگ حقی ییمه یدی و اوز حقی نی هم ییدیرمه یدی. بیر عصر آلدین بولگن لیگی دیک پیشمان بوله دیگن خیال لردن و فعالیت لر دن اوزاق توریش و عقللی بولیش بوییچه یونان گه هشدار بیره میز. تورکیه اژه ده حق لری دن وازکیچیمه یدیگن لیگی دیک ارال لرنینگ قوراللنتیریلیشی خصوصیده خلق ارا کیلیشوو لرده بیلدیریلگن صلاحیت لردن فایده له نیشدن هم وازکیچمه یدی". 

افس- 2022 تطبیقاتی نینگ, "تیرمه ناظر کونی" فعالیتلری نینگ ایکّینچی بولیمی, تورکیه جمهوریتی جمهوررئیسی رجب طیب اردوغان نینگ اشتراکی بیلن باشله گن ایدی. 

دوغانبی تطبیقات ساحه سیده بولیب اوتیاتگن افس تطبیقاتی نینگ تیرمه ناظر کونی فعالیت لری دوام ایتماقده. 

تورکیه جمهوریتی ملی مدافعه وزیری خلوصی آقر نینگ, 10 دن آرتیق اولکه نینگ مدافعه وزیر لری بیلن قوراللی کوچ لری قوماندان لری و تورکیه قوراللی کوچ لری قوماندان لری بیلن بیرگه کوزه تگن ایرته لبکی فعالیت لر, انیقلنگن هدف لرنینگ انیق اوریلیشی بیلن تکمیل بولگن ایدی. 

تیرمه ناظر کونی فعالیت لری نینگ ایکّینچی کونی ایسه جمهوررئیس اردوغان نینگ تطبیقات ساحه سی گه کیلیشی بیلن باشله گن ایدی. 

اردوغان, تطبیقات نی کوزه تیاتگن مهمان مدافعه وزیر لری و قوراللی کوچ لری قوماندان لری بیلن معلوم بیر مدت صحبت قیلگن ایدی.

پیاده کوچ لری قوماندانی سترجنرال موسی آوسیور نینگ تطبیقات بیلن علاقه لی بیاناتی آرتیدن تطبیقات دایره سیده هدف لر تورکیه قوراللی کوچ لری عنصر لری تامانیدن اوریلیب باشلنگن ایدی. 

افس- 2022 تطبیقاتی, تورکیه جمهوریتی ملی مدافعه وزیرلیگی, قوراللی کوچ لری, پیاده کوچ لری, دینگیز, هوا و قیرغاق کوچ لری بیلن ژاندارم کوچ لری قوماندان لیک لری, ملکی دولت اداره لری بیلن امریکا قوشمه ایالتلری, آلمان, آلبانیا, آسترالیا, آذربایجان, بحرین, بنگلدیش, بوسنیا- هرزگوینا, بورینا فاسو, چک, اتوپیا, فرانسه, گامبیا, گرجستان, عراق, انگلستان, ایتالیا, کامرون, قطر, قزاقستان, قیرغزستان, کوریا جمهوریتی, کوسوو, کویت, شمالی مقدونیه, لتوانیا, لیبیا, هنگری, مالزیا, مغلستان, نایجریا, اوزبیکستان, پاکستان, رواندا, سلواکیا, سومالیا و اردن دن, 1100 نفری چیت ایللیک لر دن عبارت تقریباً 11 مینگ پرسونل نینگ اشتراکی بیلن بولیب اوتماقده.

اورتاق عملیات اشتراکچی اولکه عنصر لری بیلن تشکیل ایتیلگن مشترک قرارگاه و قطعه لرنینگ حربی امکانیت و قابلیت لری نینگ, بیریله دیگن وظیفه لرنینگ همه سی نی قمره یدیگن شکلده رواجلنتیریلیشی و اوروش گه تیارگرلیک سویه سی نینگ دوام ایتتیریلیشی نینگ مقصد قیلیب آلینگن تطبیقاتده, بیرلشگن ملت لر تشکیلاتی تینچلیک نی حمایه لش عملیاتی سناریوسی دن فایده له نیلماقده. 

افس- 2022 تطبیقاتی نینگ کیچه فعالیت لری توناون عملگه آشیریلگن ایدی.