تورکیه بیلن اروپا بیرلیگی هیئاتی اورته سیده اوچره شوو بولیب اوته دی

تورکیه بیلن اروپا بیرلیگی اورته سیده سیاسی اداره چیلر سویه سیده سیاسی دیالوگ جلسه سی ایرته گه پایتخت انقره ده بولیب اوته دی.

موضوع بوییچه تورکیه جمهوریتی تشقی ایشلر وزیرلیگی تامانیدن بیانات بیریلدی.

بیاناتده "تشقی ایشلر وزیری اورینباسری و اروپا بیرلیگی باشلیغی بویوک ایلچی فاروق قیماقچی و تشقی ایشلر وزیرلیگی اورینباسری بویوک ایلچی صدات اونال باشچیلیگیده گی هیئاتیمیز بیلن اروپا بیرلیگی تشقی علاقه سرویسی باش کاتبی اورینباسری اینریکه موره بیلن بیر قطارده اروپا بیرلیگی کینگشی قوشنیلیک پولیتیکاسی و رواجلنتیریش مذاکره لری باشلیغی اورینباسری ماسیج پوپوفسکی باشچیلیگیده گی اروپا بیرلیگی هیئاتی اورته سیده بولیب اوته دیگن اوچره شوولرده اعضالیک غایه سی دایره سیده تورکیه – اروپا بیرلیگی مناسبتلری قاله ویرسه منطقوی و خلق ارا موضوعلر حقیده فکر المه شووی عملگه آشیریله دی" دییلدی.