اردوغان فنلاندلیک کسبداشی نینیسته بیلن سوزله شدی

تورکیه جمهوریتی جمهوررئیسی رجب طیب اردوغان, تلفن آرقه لی, فنلاند جمهوررئیسی سائولی نینیسته بیلن سوزله شدی. 

تورکیه جمهوررئیسلیک ارتباط لر باشقرمه سی تامانیدن بیریلگن بیاناتده, صحبتده, تورکیه بیلن فنلاند اورته سیده گی مناسبت لر و منطقه مقیاسیده گی ینگیلیک لر باره سیده بحث ایتیلگن لیگی بیلدیریلدی. 

جمهوررئیس اردوغان, تورکیه- فنلاند اقتصاد و تجارت اورتاق کمیته سی نینگ بیرینچی ییغیلیشی نینگ جون آییده پایتخت انقره ده بولیب اوته دیگن لیگی نینگ خرسندچیلیککه سبب بولگن لیگی نی بیلدیردی. 

موجود شرایطده مدافعه صنایع سی بوییچه همکارلیک نینگ اهمیتی نینگ آرتیب کیتگن لیگی نی بیلدیرگن جمهوررئیس اردوغان, تورکیه گه قره تیلگن حربی مواد صادراتی گه تیگیشلی توسیق لرنینگ آلیب تشله نیشی نی کوتیاتگن لیک لری نی معلوم قیلدی. 

روسیه بیلن اوکراین اورته سیده گی اوروش باره سیده هم بحث ایتیلگن اوشبو صحبتده, جمهوررئیس اردوغان, آتشکیسین نینگ اورنه تیلیشی و تینچ اهالی نینگ اوتیشی اوچون یوللر نینگ آچیلیشی بوییچه تشبث لری نی دوام ایتتیریاتگن لیگی نی ایسله تیب اوتدی.