تورکیه دن افغانستان گه تورتینچی مرته یاردم موادی جونه تیلدی

پایتخت انقره دن تورتینچی یخشیلیک ریلی حرکت قیلدی

1804485
تورکیه دن افغانستان گه تورتینچی مرته یاردم موادی جونه تیلدی

تورکیه ده آفت و عاجل وضعیتلر اداره سی باشقروویده تورلی نادولت تشکیلاتلری تامانیدن تامین ایتیلگن تورتینچی "یخشیلیک ریلی" پایتخت انقره دن افغانستان گه قره ب یولگه قوییلدی.

جمهور باشلیغی رجب طیب ایردوغان نینگ بویروغی گه بناً آفت و عاجل وضعیت لر اداره سی باشقرویده 25 ته یاردم موسسه سی نینگ سعی و حرکت لری نتیجه سیده ییغیشتیریلگن یاردم موادلرینی تشووچی تورتینچی یخشیلیک ریلی بیر مراسم آرقه لی حرکت قیلدی.

مراسمده گپیرگن تورکیه جمهوریتی ایچکی ایشلر وزیرلیگی اورینباسری اسماعیل چتاقلی تورتینچی یخشیلیک ریلی سفرلری نینگ 3 ریل بیلن دوام ایته جگینی و 1 مینگ 478 تن انسانی یاردم موادی نینگ افغانستانگه ییتیب باره جگینی قید ایتدی.

چتاقلی افغانستانده اوزاق مدتدن بیری اوروش، ایچکی اوروش، قوراقلیک، آچلیک و قشاقلیک یوز بیرگن لیگینی بیان ایتیب شولرنی ایتدی:

"افغانستان کونگل جغرافیه میزنینگ بیر پارچه سی دیر. 3.5 میلیون انسان بدرغه بولگن وضعیتده، 25 میلیون اطرافیده انسان اساسی انسانی یاردم گه محتاج. اساسی آذیق – اوقات یوق. 13.5 میلیون اطرافیده باله بار" دیدی.

آفت باشلیغی یونس سیزر ایسه تورکیه نینگ اوکراین، افغانستان و لبنان کبی اولکه لرده قیینچیلیک یشه گن انسانلرگه یاردم ییتکیزیب بیرگن لیگینی معلوم قیلیب شولرنی ایتدی:

"ریل سفرلریمیز رمضان آییده ییتیب بارگن بوله دی. بو جوده مهم، جوده مهم بیر یاردم ریلینی جونتگن بولدیک" دیب گپیردی.



علاقه لی ینگی لیکلر