اردوغان پوتین بیلن سوزله شدی
صحبتده روسیه بیلن اوکراین اورته سیده گی مذاکره لر باره سیده بحث ایتیلدی
تورکیه جمهوریتی جمهوررئیسی رجب طیب اردوغان, تلفن آرقه لی, روسیه جمهوررئیسی ولادیمیر پوتین بیلن سوزله شدی.
تورکیه جمهوررئیسلیک ارتباط لر باشقرمه سی تامانیدن بیریلگن بیاناتده, صحبتده, 24- فبروری دن بیری دوام ایتیاتگن روسیه- اوکراین اوروشی بوییچه سونگّی وضعیت و تامان لر اورته سیده گی مذاکره پروسه سی باره سیده بحث ایتیلگن لیگی بیلدیریلدی.
جمهوررئیس اردوغان, روسیه بیلن اوکراین اورته سیده آتشکیسین و تینچلیک نینگ زودلیک بیلن تامین ایتیلیشی و منطقه ده وضعیت نینگ یخشی لشتیریلیشی نینگ کیره کلی ایکن لیگی نی بیلدیررایکن, اوشبو دایره ده تورکیه نینگ هر خیل همکارلیک نی قیلیش گه دوام ایته دیگن لیگی نی معلوم قیلدی.
اردوغان بیلن پوتین, روسیه و اوکراین اورته سیده گی مذاکره هیئت لری نینگ کیینگی ییغیلیشی نینگ تورکیه نینگ استانبول شهریده بولیب اوتیشی بوییچه اوز ارا کیلیشیب آلدی.
عینی دمده تورکیه جمهوریتی تشقی ایش لر وزیری مولود چاووش اوغلی هم, روسیه و اوکراین مذاکره هیئت لری نینگ تورکیه ده اوچره شه دیگن لیگی نی بیلدیردی.
چاووش اوغلی تویتر آرقه لی بیرگن بیاناتیده, "جمهوررئیسی میز رجب طیب اردوغان نینگ تشبث لری نتیجه سیده, روسیه و اوکراین مذاکره هیئت لری تورکیه ده اوچره شه دی. تامان لرنینگ تورکیه گه ایشانیاتگن لیگی نینگ مسئولیتی نی درک ایتگن وضعیتده میز. اوچره شوو لرنینگ قالووچی بیر آتشکیسین و تینچلیککه سبب بولیشی نی آرزو قیله میز" دییه قید ایتدی.
کیین چاووش اوغلی, تلفن آرقه لی, روسیه لیک کسبداشی سرگی لاوروف بیلن سوزله شدی.
تورکیه تشقی ایش لر وزیرلیگی تامانیدن بیریلگن بیاناتده, اوشبو صحبتده اوکراین ده گی سونگّی وضعیت باره سیده بحث ایتیلگن لیگی بیلدیریلدی.
روسیه اردوسی 24- فبروری ده اوکراین گه هجوم قیله باشلرایکن, اوشبو کوندن بیری تامان لر بیر نیچه مراتبه مذاکره قیلدی.
