تورکیه افغانستانده قیزلرنینگ اوقیشی بوییچه چیکلاو نینگ آلیب تشله نیشی اوچون چقیریق بیردی

تورکیه, افغانستانده اورته مکتب لرده قیز باله لرنینگ اوقیشی بوییچه چیکلاو نینگ آلیب تشله نیب قیز لرنینگ اوقیشی گه اجازت بیریلیشی اوچون چقیریق بیردی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, افغانستانده توناون باشلَشی آرتیدن, اورته مکتب ده قیز باله لرنینگ اوقیشی بوییچه چیکلاو نینگ دوام ایتتیریلیشی نینگ قیغو بیلن کوتیب آلینگن لیگی بیلدیریلدی. 

بیاناتده, ینگی تعلیمی ییلده قیز باله لر داخل اوقووچی لرنینگ اوقیشی نینگ دوام ایتیشی نی افغانستان خلقی نینگ بویوک بیر بولیمی نینگ آرزو قیلیاتگن لیگی معلوم قیلیندی.

بیاناتده, "افغانستان اوتکینچی حکومتی نی بیرینچی دن افغانستان خلقی نینگ فایده سی اوچون زودلیک بیلن کینگ کولملی بیر شکلده هر یاشده گی قیز باله لر نینگ تعلیمی گه اجازت بیریش گه چقیره میز.  بو یمان کون لرده افغانستان خلقی نینگ یانیده بولیش نی دوام ایتتیره میز" دییه قید ایتیلدی.