تورکیه دن یولگه قوییلگن اوچونچی یخشیلیک ریلی افغانستان گه ییتیب باردی

تورکیه ده آفت و عاجل وضعیتلر اداره سی باشقروویده تورلی نادولت تشکیلاتلری تامانیدن تامین ایتیلگن اوچونچی "یخشیلیک ریلی" افغانستان گه ییتیب باردی.

پایتخت انقره دن 25 فبروری تاریخیده یولگه قوییلگن 994 تن انسانی یاردم موادینی ییتکیزیب بیرووچی ریل تورکمنستانده گی تورغندی چیگره ایشیگیدن افغانستان گه کیریب باردی.

تورغندی چیگره ایشیگیده اویوشتیریلگن مراسمده گپیرگن آفت خلق ارا انسانی یاردم باشلیغی برهان اسلان اوچونچی "یخشیلیک ریلی" ده آذیق – اوقات، کمپل و کییم بولگن لیگینی ایتدی.

اسلان هرات ولایتیده پاکت قیلیب تقسیم قیلیش گه تیار وضعیت گه کیلتیریب 17 ولایتده 500 عایله گه بیریله جگینی معلوم قیلدی.

اسلان 7 فبروری کونی افغانستانگه بارگن بیرینچی "یخشیلیک ریلی" یاردم موادلری نینگ تقسیم قیلینگن لیگینی و ایککینچی "یخشیلیک ریلی" یاردم موادلری نینگ کم قالگن لیگینی قید ایتدی.

تورکیه، ایران و تورکمنستان توپراقلرینی اوتیب افغانستان گه ییتیب بارگن "یخشیلیک ریلی" 4 مینگ 168 کیلومتر یول یوردی.