تورکیه دن افغانستانگه ییتیب بارگن یاردملر معارف وزیرلیگی گه تسلیم بیریلدی

اوشبو یاردملر یخشیلیک ریلی آرقه لی جونه تیلگندی

1783868
تورکیه دن افغانستانگه ییتیب بارگن یاردملر معارف وزیرلیگی گه تسلیم بیریلدی

تورکیه دن افغانستانگه "یخشیلیک ریلی" آرقه لی جونه تیلگن انسانی یاردملردن تعلیم نی قوللب – قوتلاوچی موادلر، کمبغل افغانستانلیک اوقیووچیلر بیریلیشی اوچون معارف وزیرلیگی گه تسلیم بیریلدی.

پایتخت کابلده جایلشگن وزیرلیک بناسیده اویوشتیریلگن مراسمده سوز یوروتگن تورکیه نینگ کابل بویوک ایلچیلیگی تعلیم بوییچه مستشاری چنگیز آیدیمیر یخشیلیک ریلی آرقه لی ییتیب کیلگن انسانی یاردملرنینگ اولکه نینگ تورلی ولایتی گه تقسیم قیلیب بیریله جگینی ایتدی.

آیدیمیر افغانستان و تورکیه نینگ عصرلر آلدینگه تیانگن تاریخی دوستلیگینی ایسله تیب اوتدی.

آیدیمیر تورکیه دن افغانستانگه جونه تیلگن یاردملرنینگ دوام ایتیشیدن خبر بیردی.

افغانستان معارف وزیری اورینباسری صادق هم ایککی اولکه اورته سیده کوچلی تاریخی دوستلیک باغلری بولگن لیگینی معلوم قیلیب اوشبو یاردملر اوچون تورکیه و موسسه لریگه منتدارچیلیک بیلدیردی.

تورکیه ده گی تورلی نادولت تشکیلاتلری نینگ یاردمی بیلن آفت و عاجل وضعیت باشقرووی باشچیلیگیده تامین ایتیلگن و 750 تن انسانی یاردم موادیدن عبارت بولگن ایلک یخشیلیک ریلی 7 فبروری کونی افغانستانگه ییتیب باررکن بو یاردملر برچه ولایتلرگه تقسیم قیلیب بیریلماقده.

1 مینگ تن اطرافیده انسانی یاردم تشووچی ایککینچی یخشیلیک ریلی نینگ ایرته گه اولکه گه ییتیب باریشی کوتیلماقده.



علاقه لی ینگی لیکلر