تورکیه تشقی ایش لر وزیری قزاقستانده گی وضعیت توغریسیده قزاقستانلیک کسبداشی بیلن سوزله شدی

تورکیه تشقی ایش لر وزیری قزاقستانده گی وضعیت توغریسیده قزاقستانلیک کسبداشی بیلن سوزله شدی

صحبتده قزاقستانده گی سونگگی وضعیت باره سیده بحث ایتیلدی

تورکیه جمهوریتی تشقی ایش لر وزیری مولود چاووش اوغلی, تلفن آرقه لی, قزاقستانلیک کسبداشی مختار تلئوبیردی بیلن سوزله شدی. 

قزاقستانده گی سونگگی وضعیت باره سیده بحث ایتیلگن صحبتده چاووش اوغلی, تورکیه نینگ قزاقستان نی قوللب- قوتله یدیگن لیگی نی ینه بیر بار تکرارلب اوتدی. 

عینی دمده صحبتده,  11- جنوری ده انترنت آرقه لی بولیب اوته دیگن و قزاقستان ده گی ینگیلیک لر باره سیده بحث ایتیله دیگن تورک دولت لری تشکیلاتی تشقی ایش لر وزیرلری ییغیلیشی حقیده هم فکر المه شیلدی. 

قزاقستانده سویوق لشتیریلگن طبیعی گاز نرخی نینگ آرتیریلگن لیگی و اجتماعی- اقتصادی وضعیت نینگ یمان لشگن لیگی باعث 2- جنوریده باشله گن ناراضی چیلیک نمایش لری, اینگ کتته شهردن عبارت بولگن آلماتا ده زورانلیک و توقنه شوو لر گه ایله نیب قالگن ایدی. 

جمهوررئیس قاسم توکایف, ناراضی چیلیک نمایش لری نینگ باشلب کیتیشی بوییچه مسئولیت ایگه سی ایکن لیگی نی بیلدیرگن حکومت نینگ استعفاسی نی قبول قیلرایکن, حادثه لرنینگ کینگ ترقه لیب کیتیشی آرتیدن فوق العاده حالت اعلان قیلگن ایدی.