ایردوغان اسلام همکارلیک تشکیلاتی ییغینیده سوزگه چیقدی

اوشبو ییغین استانبولده بولیب اوتدی

1745899
ایردوغان اسلام همکارلیک تشکیلاتی ییغینیده سوزگه چیقدی

جمهور باشلیغی رجب طیب ایردوغان تورکیه نینگ شرقی بیت المقدس اورنی و مسجد الاقصی مقدس لیگی بیلن تیگشلی حساسیتینی کیسیکن دوام ایتیب تورگن لیگینی ایتدی.

استانبولده دولمه باغچه سراییده اویوشتیریلگن اسلام بیرلیگی تشکیلاتی پارلمنتو بیرلیگی 16- کنفرانسی آچیلیش ییغینیده سوز یوروتگن جمهور باشلیغی ایردوغان بیت المقدس دعواسی نینگ فقط بیر آووچ جسور مسلمان نینگ دعواسی ایمس، اسلام عالمی نینگ برچه سی نینگ مشترک دعواسی ایکن لیگینی معلوم قیلدی.

فلطسینده بیر تامانلمه برنامه لرنینگ کونسه یین آرتیب کیتگن لیگینی، غزه گه قره ته حقسیزلیک، حقوقسیزلیک و وجدانسیز محاصره نینگ دوام ایتیب تورگن لیگینی تاکییدله گن ایردوغان 2- دنیا اوروشیده اروپاده گی یهودیلرگه قره ته نسل قیرغینی نینگ انتقامینی بوگونگی کونده فلسطینلیکلردن آلیش نینگ حقسیزلیک ایکن لیگینی اورغوله دی.

ایردوغان "بیت المقدس نی 400 ییل دوامیده عدالتلی باشقرگن بیر اجدادنینگ نبیره لری اوله راق فلسطینده قان، کوز یاشی و ظلم کورماقچی ایمس میز" دیب گپیردی.

تورکیه نینگ شرقی بیت المقدس اورنی و مسجد الاقصی مقدس لیگی بیلن تیگشلی حساسیتینی کیسیکن دوام ایتیب تورگن لیگینی ایتدی.

ایردوغان "(دایمی تینچلیک و برقرارلیک ) بونینگ یولی 1967 چیگره لریده پایتختی بیت المقدس بولمیش مستقل، حاکم، توپراق بوتونلیگی گه صاحب فلسطین دولتی نینگ قوریلیشی دیر" دیب افاده ایتدی.

کیلگوسی باسقیچده منطقه ده تینچلیک اقلیمی نینگ کوچه یشینی آتیله دیگن مشترک آدیملرنینگ تعیین قیله جگینی تاکییدله دی.

ایردوغان جنابلری "بیرلیک و برابرلیک ایچیده حرکت قیلیش کیره ک. فلسطین دعواسینی ضعیفلشتیره دیگن تورلی حرکتدن قول تارتیش کیره ک. فلسطین دعواسینی دنیا کون ترتیبیده حق ایتگن اورنی گه کیلتیریلیشی و عادل بیر ییچیم تاپیش اوچون اورونیش گه دوام ایتیشیمیز کیره ک" دیدی.

جمهور باشلیغی افغانستان نینگ هم دایمی تینچلیک و برقرارلیک که ایریشیشی نینگ مشترک آرزولری ایکن لیگینی معلوم قیلیب، اینیقسه شو وقتده قتّیق قیش شرطلریده افغانستانلیک قرداشلریمیزگه بشری یاردملرنینگ دوام ایتتیریلیشی نینگ بیرینچی اورینده تورگن لیگینی بیلدیردی.

افغانستان نینگ تکرار بحران و توقنه شووگه آلیب باریلمس لیگی اوچون اورونیشلریمیزنی دوام ایتتیرماقده میز" دیدی.

ایردوغان کوچ و قاچقینلر توغریسیده درحقیقت یوک نی سیسی کوپ چیققن غرب اولکه لریگه نظراً بحران منطقه لری بیلن قوشنی بولمیش تورکیه کبی اولکه لرنینگ تارتیب تورگن لیگینی تیلگه آلدی.

بیرلشگن ملتلر تشکیلاتی خوفسیزلیک کینگشی نینگ سوریه بحرانیده مسؤلیتلرینی ادا قیلمه ی کتته بیر امیدسیزلیک که ایلنگن لیگینی افاده ایتدی.

ایردوغان "تورلی اتنیک لردن 35 میلیون مسلمان حیات کیچیره یاتگن اروپانینگ قرداشلریمیز اوچون بیر ییغیشتیریش کمپی گه ایلنیشی گه رخصت بیره آلمه یمیز" دیب گپیردی.



علاقه لی ینگی لیکلر