ایردوغان: تورکیه دینگیز توپی قورال تیزیمی تولید ایتووچی اولکه لردن بیرته سی دیر
بو ساحه ده مهم اولکه لر قطاریده اورین آلماقده دیر، دیدی
جمهور باشلیغی رجب طیب ایردوغان، تورکیه ایشلب چیقرگن ملی دینگیز توپی بیلن ایندی بو قورال تیزیمی نی تولید ایتووچی اولکه لر قطاریگه کیرگن لیگینی بیلدیردی.
جمهور باشلیغی ایردوغان پایتخت انقره ده اویوشتیریلگن ماسین و کیمیا صنایعی دینگیز توپی قوروقلیکدن اتیش دستوری گه بیر ویدیو پیام جونتدی.
ایردوغان (بوگونگی کونده) تورک مدافعه صنایعی جهتیدن تاریخی بیر کون ایکن لیگینی معلوم قیلیب شولرنی ایتدی:
"دینگیز توپی دینگیز کوچلری اوچون جوده اهمیت گه سزاواردیب اتلگن قورال تیزیمی دیر. اوروش کیمه لری نینگ اورووچی کوچی بولمیش بو قورال تیزیملری اوروش ساحه سیده جوده حساس رول آله دی" دیدی.
تورکیه اوله راق مدافعه صنایعی سکتورینی یخشیراق قیلیش اورونیشلری گه قریب بیر ییل آلدین دینگیز توپی صنایعینی هم قوشیب یوبارگن لیکلرینی اورغوله گن ایردوغان جنابلری، ایریم ساحه لریده بولگنیدیک دینگیز توپی سکتوریده هم اولکه نینگ تشقریگه باغلیق بولیب قالیشینی اورته دن کوتریب تشله گن لیکلرینی معلوم قیلدی.
ایردوغان " تورکیه ایشلب چیقرگن ملی دینگیز توپی بیلن ایندی بو قورال تیزیمی نی تولید ایتووچی مهم اولکه لر قطاریگه کیرگن دیر" دیب ایتدی.
