اردوغان: تورک عیال لر مقتاوگه سزاوار ایشلر قیلماقده

تورکیه جمهوریتی جمهوررئیسی رجب طیب اردوغان, تورک عیال لر بیلن علاقه لی بیرگن بیاناتیده, "عیال لری میز نینگ, تعلیم و تربیه و ایشلب چیقریش بوییچه قولگه کیریتگن یوتوق لری حقیقت دن هم تاریخی بیر موفقیت دن عبارت" دییه قید ایتدی. 

اردوغان, تورکیه نینگ ایسکی شهر ولایتیده, متشبث, دهقان, اوقووچی, سپورتچی و صنعتچی تورک عیال لر بیلن صحبت قیلدی. 

بویوک و کوچلی تورکیه خیالی نی, عیال لر و ایرکک لرنینگ بیر یقه دن باش چیقریب عملی قیلگن لیک لری نی معلوم قیلگن اردوغان, "اولکه میز نینگ کیله جگی بیلن علاقه لی برچه هدف لر و پروژه لرنی سیزلر بیلن بیرگه آلغه آلیب باره دیگن شکلده پلانلب تطبیق ایتماقده میز" دییه قید ایتدی. 

جمهوررئیس اردوغان, تورکیه ده عیال لرنینگ اینیقسه تعلیم و تربیه, ایشلب چیقریش, استخدام, سیاسی و اجتماعی ساحه لر بوییچه اینگ کوپ موفقیت قولگه کیریتگن دور نینگ اوز اقتدار لری دوری دن عبارت ایکن لیگی نی بیلدیردی. 

اردوغان, "شونی ادعالی بیر شکلده ایتماقچی من که عیال لری میز نینگ ظرفیتی نی اوزی, عایله سی, شهری و اولکه سی اوچون کورسه تیب بیریش شرایطی نی بیز تامینلب بیردیک.  امکانیت لرنی تامینلب بیردیک و توسیق لرنی آلیب تشله دیک.  اینیقسه عیال لری میز نینگ تعلیم و تربیه و ایشلب چیقریش بوییچه قولگه کیریتگن یوتوق لری حقیقت دن هم تاریخی موفقیت دن عبارت" دییه قید ایتدی.