تورکیه رادیو تلویزیونی فورمیده اقلیم بحرانی گه قرشی کوره ش یوللری تیلگه آلیندی
ت رت ورلد فورم 2021 بولیب اوتماقده
انگلستان تشقی ایشلر وزیرلیگی اقلیم اوزگریشی بوییچه مسؤلی بریچ گه تورکیه نینگ پاریس اقلیم کیلیشووینی تصدیقلشی نینگ اهمیتینی تیلگه آلیب شونی ایتدی:
"تورکیه جده مهم بیر اقتصاد. کم و صفر کاربون تولیدی قیلیش جهتیدن مهم بیر اولکه" دیدی.
"کوچ و پرادوکس:21 – عصرده بویوک ستراتیژینی توشینیش" محتواسی بیلن بو ییل 5- اویوشتیریلگن "ت ر ت ورلد فورم 2021" ده "ستراتیژیک تهدید اوله راق اقلیم و گلوبال ساغلیک بحرانلری" باشلیقلی جلسه اوتکزیلدی.
ت ر ت ورلد نطاقی راشل روبل آلیب بارگن جلسه، انگلستان تشقی ایشلر وزیرلیگی اقلیم اوزگریشی بوییچه مسؤلی نیک بریچ قاله ویرسه هالند تشقی ایشلر وزیرلیگی سابق ستراتیژیک پولیتیکا مصلحتچیسی و اطرافنی سقلش یازووچیسی الکسندر ولبیک بیلن بیر قطار مهم عالی بیلیم یورتلری و موسسه لردن متخصصلر قتنشدی.
انگلستان نینگ اقلیم اوزگریش خاص نماینده سی بریچ، اسکاتلندنینگ گلاسکو شهریده بولیب اوته دیگن بیرلشگن ملتلر تشکیلاتی اقلیم اوزگریشی کنفرانسیده اوچره شه دیگن حکومتلرنینگ، پاریس اقلیم اوزگریش کیلیشووی دایره سیده بیرگن تعهدلرنی کوپه یتیره جکلرینی اینیقسه اینگ کوچسیز اولکه لرگه بیریله دیگن همکارلیک تیلگه آلینه جگینی بیلدیردی.
تورکیه نینگ پاریس اقلیم کیلیشووینی تصدیقله گن لیگینی هم بهالندیرگن بریچ شولرنی ایتدی:
"جمهور باشلیغی رجب طیب ایردوغان تامانیدن تصدیقلنگن اقلیم کیلیشووی بیلن تیگیشلی اعلامیه جوده مهم ایدی. یعنی 2053 ییلی گچه کاربن خنثی بولیش تعهدی جوده مهم آدیملر دیر. تورکیه جوده مهم بیر اقتصادگه ایگه. کم کاربون و صفر کاربون تولید قیلیش ظرفیتی جهتیدن هم مهم بیر اولکه. شو وقت اروپا اولکه لری نینگ یشیل ستراتیژیسی اورته ده بار. تورکیه اقتصادی نینگ هم بو اوتیش جریانینی قوللب – قوتلشینی کوریش جوده گوزه ل" دیب افاده ایتدی.
علاقه لی ینگی لیکلر
امریکا قوشمه ایالتلری نماینده لر مجلسی هیئاتی تورکیه گه تشریف بیوره دی
اوشبو هیئات تورکیه جمهوریتی ملی مدافعه وزیری یشر گولر بیلن اوچره شوو اوتکزه دی
اوکراین تشقی ایشلر وزیری ایردوغان نی مقته دی
اوکراین تشقی ایشلر وزیری تورکیه جمهور باشلیغی ایردوغان نینگ بویوک بیر رهبر ایکن لیگینی ایتدی