جمهوررئیس ایردوغان مهم بیانات لر بیردی

"ملتی میز نینگ هر بیر فردی, بو تینگی بولمه گن خیانت نی ایسله گن سری, استقلالی میز و کیله جگی میز گه ینه ده کوپراق اهمیت بیره دی"

15- جولای کودتا تشبثی نینگ بیشینچی ییلیده ملت گه قره ته معروضه قیلگن جمهوررئیس ایردوغان, "میلادی 2016- ییل 15- جولای جمعه کونی کیچقرون باشلب بیر کون کیین ملتی میز نینگ ایاغی نینگ آستیده باسیلیب اداققه ییتگن بو کودتا تشبثی, بیر عبرت سندی اوله راق تاریخی میزده اورین ایگلله دی. ملتی میز نینگ هر بیر فردی, بو تینگی بولمه گن خیانت نی ایسله گن سری, استقلالی میز و کیله جگی میز گه ینه ده کوپراق اهمیت بیره دی" دییه قید ایتدی. 

جمهوررئیس رجب طیب ایردوغان, 15- جولای دموکراسی و ملی بیرلیک کونی نی ایسلش پروگرامی دایره سیده, جمهوررئیسلیک مجتمع سیده ملت گه قره ته معروضه قیلدی.

جانلی روشده ترقه تیلگن اوشبو معروضه سیده, جمهوررئیس ایردوغان, اوز سوز لری نی قوییده گیچه دوام ایتتیردی:

"عزیز ملتیم, سیز لر گه یوره ک دن سلام و محبتیم نی تقدیم ایته من.  بوگون, دولت و ملت حیاتی میز نینگ هم اینگ یمان هجومی و همده اینگ شانلی مقاومت لری دن بیری نینگ بیشینچی ییلی.  سوزلریم گه, او کیچه 'بدر نینگ ارسلان لری قدر ' شانلی کوره ش لری جریانیده بیر گل باغچه سی گه کیره دیگن دیک توپراققه توشگن 251 شهیدی میز گه الله دن رحمت تیلب باشله ماقچی من. 

هر بیری نینگ حکایه سی فرقلی بیر داستان دن عبارت بولگن شهید لری میز, کیل کومه یلیک سینی تاریخ گه' دیسک سیغمه یدیگن قهرمان لیک لری بیلن, بو ملت گه کفن تیارله گن لر گه حقی بولگن درسی نی بیردی لر.  پیغمبرلیک دن کیینگی اینگ شرفلی مقام گه, ربی میزنینگ اینگ یوقاری مرتبه سی گه ییتگن شهید لری میز گه قویب کیتگن امانت لری گه ایگه بولیش بیلن وفا قیلیش گه حرکت قیلماقده میز. 

"اولکه میز و ملتی میز گه قره تیلگن اوشبو خیانت نی هیچ قچان ایسدن چیقارمه یمیز"

ایرکک و عیال, یاش و قری, اوقووچی و اوقیتووچی, سرمایه دار و ایشچی, مامور و دوکاندار, قیسقه قیلیب ایتگنده هر یاش, هر مسلک و هر ساحه دن انسان لری بیلن...'بو حیاسیز هجوم گه قرشی کوکسی نی قالگن قیلیب', کوچه لر و میدان لرنی تولدیریب, هر جای ده کورگن کودتاچی لرنینگ آلدینی آلیب, وقتی کیلگنده اولر نی قوویب, آنه, یار, اولاد و باش دن اوتیب کوره ش آلیب باررایکن, غازی لیک عنوانی بیلن شرفلنگن قرداش لری میز گه هم صمیمی بیر شکلده منتدارچیلیک بیلدیره من.

حققه تسلیم ملتی میز نینگ استقلال عشقی,  ایرکین یشه گن بیراغی میز نینگ تولقین له نیشی, یورتی میز ده گی سونگگی گه قدر دوام ایته دیگن اذان سیسی شاهدی میز بولسین که؛ اولکه میز و ملتی گه قرشی قیلینگن خیانت نی هیچ قچان ایسدن چیقارمه یمیز. بو جیرکنچ لیک نینگ حسابی نی اوشلنگن و انیقلنگن برچه خائن لردن سوره دیک, سوره ش گه دوام ایته میز.  آخرت ده هم بو ابلیس همکار لری نینگ یقه سیدن اوشلب اولرنی قیدیره میز.

عزیز ملتیم, میلادی 2016- ییل 15- جولای جمعه کونی کیچقرون باشلب بیر کون کیین ملتی میز نینگ ایاغی نینگ آستیده باسیلیب اداققه ییتگن بو کودتا تشبثی, بیر عبرت سندی اوله راق تاریخی میزده اورین ایگلله دی. نسل لر دوامیده ملتی میز نینگ هر بیر فردی, بو تینگی بولمه گن خیانت نی ایسله گن سری, استقلالی میز و کیله جگی میز گه ینه ده کوپراق اهمیت بیره دی. 

اولکه میز, جمهوریت تاریخی دوامیده البته که کوپلب کودتا, کودتا تشبثی, عصیان و ترورچیلیک هجومی گه دوچ کیلیب قالگن.  بیراق او کیچه یوز بیرگن نرسه لر بیزگه, اوز دولتی, خلقی, انسانی گه اوق اوزیب معصوم لرنینگ قانونی توککن بو خائن لرنینگ قنده ی قیلیب دنیا نینگ اینگ جیرکنچ وحشی لری گه ایله نیشی نینگ ممکن ایکن لیگی نی کورسه تیب بیردی. 

اساساً ملت لر نی ملت قیلگن عنصر لردن بیری هم, تاریخ لریده گی بونده ی قیغولی دم لرگه قرشی جانی و قانی بیلن قازانگن ظفرلردن عبارت. مینگ ییللیک یورتی میز نینگ تیکن سیز گل باغچه سی ایمس لیگی, تقریباً هر کونی میز نی کوره ش لر بیلن اوتکزیاتگن لیگی میزنی بیله میز.  دنیا نینگ هر اولکه سی و جمعیتی نینگ جوده کتته اهمیت بیریاتگن بیر جغرافیه نی مینگ ییلدن بیری وطن دیب قبول قیلیش نینگ نتیجه سی نی کورماقده میز. یقین تیگره گی میزده سونگگی بیرایککی عصرده یوز بیرگن نرسه لر گه قره گنی میزده, بو نتیجه نینگ مقابلیده بیرلیگی میز, قرداشلیگی میز, دولتی میز و کیله جگی میز نی قوتقریب آلگن لیگی میز بیر حقیقت. 

"بیز نینگ کتته بیر مدنیت و تاریخی میراث گه ایگه بولگن لیگی میز نی بیلمه یدی لر"

اوتگن سککیز ییلده فرقلی شکل لرده بیز دوچ کیلیب قالگن هجوم لر, یورتی میز گه ایگه بولیب چیقیش کوره شی میز نینگ دوام ایته دیگن لیگی گه اشارت ایتماقده. پ.ک.ک, داعش و فتو کبی فرقلی شکل لرده گی ترور تشکیلات لری تامانیدن مطرح ایتیلگن سناریو لرنینگ مقصدی؛ اولکه میز نی بوین ایگدیریش, ملتی میز نی اسیر ایتیش و توپراق لری میزنی یغمالش دن عبارت.  تورکیه گه قرشی, موجود خلق ارا هر پلاتفورم ده کورینیاتگن ایککی یوزله مه چیلیک, خوددی شوو سناریو نینگ باشقه بیر بُعدی نی تشکیل ایتماقده.

مینگلب و اون مینگلب کیلومتر اوزاقدن کیلیب تروریزم گه قرشی کوره ش بهانه سی بیلن, کونگیل جغرافیه میزنی قان و کوز یاشی گه بولغه گن لر, میلیونلب انسان نینگ کیله جگی نی قرانغو قیلگن لر, تورکیه نی هم شونده ی بیر عاقبت گه دچار قیله آلمه گن لیگی اوچون جوده قیغولی.  اوز خوفسیزلیکلری و راحت لری اوچون اولکه میزدن بیر قالقان اوله راق فایده لنگن لیک لری نی اویله گن لر, اصلی گه قره گنده بیزنینگ کتته بیر مدنیت و تاریخی میراث گه ایگه بولگن لیگی میز نی بیلمه یدی لر و بیله آلمه یدی لر.  منطقه میزده تینچلیک, برقرارلیک و خوفسیزلیک نینگ تامین ایتیلیشی بوییچه قیلیاتگن سعی و حرکت لری میز و فداکارلیک لری میز, اساساً کتته و کوچلی بیر تورکیه نینگ قوریلیشی یولیده گی کونساین کوچه ییب باریاتگن اویغانیش نینگ سیس لری دن عبارت. 

گیزی پارکی حادثه لری بیلن اجتماعی بیر معما یره تیش گه حرکت قیلگن لر, اصلی گه قره گنده بیرلیگی میز نی کوچه یتیرگن لیک لرینی درک ایته آلمه دی لر.  کودتا تشبث لری بیلن ملتی میز نینگ اراده سی نی یوق قیلیش آرقه لی دولتی میز نی قولگه کیریتماقچی بولگن لر, مینگلب ییل لیک عنعنه نینگ سونگگی حلقه سی نی ینه ده مستحکم لشتیرگن لیگی نی درک ایته آلمه دی لر.  ترور تشکیلات لری دن فایده له نیب توپراق لری میز نی تهدید ایتگن لر, بو ایش لری بیلن اصلی گه قره گنده قرداش لیگی میز نی کوچه یتیرگن لیک لری نی بیلمه دی لر. 

"کتته و کوچلی تورکیه نینگ قوریلیشی نینگ آلدینی آله آلمه یدی لر"

شرق دن غرب گه, شمال دن جنوب گه هر استقامتده, اولکه میزنی تاریخی و فرهنگی مناسبت لر گه ایگه بولگن جغرافیه دن اجره تیش گه حرکت قیلگن لر, ینه ده مستحکم کونگیل ارتباط لری میزنی قوریشی میز گه وسیله بولگن لیک لری نی بیله آلمه دی لر.  بیزنینگ فقط گینه برچه انسان لر اوچون مطرح ایتیاتگن حق و عدالت طلب لری میزنی اوز لرینیکی کبی سیاسی ریارلیک اوله راق بهالنتیریاتگن لر, مظلوم لرنینگ سیسی, نفسی و امیدی گه ایلنگن لیگی میزنی درک ایته آلمه دی لر. 15- جولای کیچه سی ملتی میز نینگ دنیا نینگ اینگ مدرن اوروش واسطه لری نی قنده ی قیلیب بوش قول لر بیلن توختتگن لیگی نی درک ایته آلمه گن لیک لری دیک, اولکه میز نینگ باشقه خصوص لرده گی سیاستی نینگ سببی نی هم بیله آلمه دی لر. 

بیز اوزی میز اوچون نیمه ایسته گن بولسک, جغرافیه میز, دوست لری میز و بشریت اوچون هم خوددی شوو نرسه نی ایسته ماقده میز.  بونی, باشقه نیت لری میز نی یشریش اوچون ایمس, بلکه صمیمیت بیلن قیلگنی میز اوچون بارگن هر جایده جوده یخشی کوتیب آلینماقده میز.  اوتمیشده سوریه, لیبیا و قاره باغده بونی قیلدیک.  انشاءالله کیلگوسیده افغانستان و باشقه جای لرده خوددی شونده ی اخلاص و حقانیت بیلن قرداش لری میز نینگ یانیده بوله میز. 

15- جولای فقط گینه اولکه میز ده اوز استقلالی و کیله جگی گه ایگه بولیب چیقیش نینگ ایمس, بلکه بو کتته هدف نینگ هم سمبولی دن عبارت.  البته که هر خصوص کبی بو حقیقت هم, کورماقچی بولگن کوز لر, ایشیته دیگن قولاق لر, گپیرماقچی بولگن تیل لر, درک ایته دیگن ذهن لر, سیوگی بیلن اوره دیگن یوره ک لر, امیددن تولیق بولماقچی بولگن کونگیل لر اوچون اعتبار ایگه سی. 

الحمدلله ملتی میز بیزنی درک ایترایکن, بیز گه یول کورسه تیب بیز بیلن بیرگه حرکت ایتماقده.  خوددی شوو سبب بیلن اولکه میز نی اسیر قیلماقچی بولگن تامان لر گه بیر عصر آلدین بولگن لیگی دیک 'تورکیه نی یینگیش ممکن ایمس' دیماقده میز. شوو سبب بیلن ملتی میز گه قرشی شوم نیت گه ایگه تامان لر گه 'موفق بوله آلمه یسیز' دیماقده میز.  اوتمیشده و حاضرگی کونده موفق بوله آلمه گن لیک لری دیک, کیلگوسیده هم موفق بوله آلمه یدی لر.  کتته و کوچلی تورکیه نینگ قوریلیشی نینگ آلدینی آله آلمه یدی لر.

" بیزنینگ یولداشی میز ملتی میزدیر"

کیم کیم بیلن همکار بولماقچی بولسه بولسین.  بیزنینگ یولداشی میز ملتی میزدیر.  بیز نینگ یولداشی میز, مالازگیرت دن استانبول نینگ فتحی, چنق قلعه دن استقلال اوروشی, قبرس عملیاتی دن 15- جولای گه قدر برچه شهید لری میزدیر.  بیزنینگ یولداشی میز, هر بیری بیر جهان قدر ارزشی بولگن کوره ش عظمی بیلن تولیق غازی لری میزدیر.  بیز نینگ یولداشی میز, آق سقاللی بابا لری میز, آق چادرلی مامه لری میز نینگ کوز یاشی توکیب قیلگن دعا لری دیر.  بیز نینگ یولداشی میز, جهان نینگ تورت تامانیده قلباً بیز لردن امید ایتیاتگن مظلوم لرنینگ امیدی دیر.  بیز نینگ یولداشی میز, اوز لری و اولکه لری اوچون قلبی اوریاتگن, پروژه لردن تولیق, استقامت لری نی 2053 گه اوگیرگن یاش لر و باله لری میزدیر.  قالگنی بوش گپ لر. 

ارشمدس, "مینگه بیر اهرم بیرینگ دنیا نی جاییدن اوینه تی" دیگن.  بیز هم, بو بویوک ملت بیلن دنیا نی جاییدن اوینه ته میز و جهان گه حکمدار بولیب دنیا گه سیسی میز نی ایشیتتیره میز. 

ربیم بیز لرنی ینه بیر بار 15- جولای کبی خیانت لر بیلن سینه مه سین,  ربیم اولکه میز و ملتی میز نی اسره سین و ربیم هر ایشی میز نی قولای ایسله سین و هر زحمتی میز نینگ نتیجه سی نی بیرسین دیمیز. 

بو مفکوره بیلن صحبتیم گه یکون یسر ایکن, سه شنبه کونی کوتیب آلینه دیگن قربان هیئتی بیره می مناسبتی بیلن تبریک بیلدیره من.  ربیم دن, بو مبارک کونلر حرمتی بیلن ملتی میز, مسلمان لر و بشریت نی فلاح گه ایگه قیلیشی نی تیلب قاله من.  همه لرینگیز گه سیوگی لریم و حرمت لریم نی تقدیم ایته من. امان قالینگ.