ایککی تورک عالم گه آلمان نینگ 'یولدوزلی بویوک لیاقت نشانی' تقدیم ایتیله دی
اوشبو توغریده آلمان جمهوررئیسلیک دفتری تامانیدن بیانات بیریلدی
ینگی تور کرونا ویروس (کووید 19) واکسینی نی ایشلب چیقارگن آلمان بایوتکنالوژی شرکتی دن عبارت بایونتیک نینگ اساسچی شریکی بولگن پروفیسر داکتر اوغور شاهین بیلن دوکتور اوزلم توره جی گه آلمان ده لیاقت نشانی تقدیم ایتیله دی.
آلمان جمهوررئیسلیک دفتری تامانیدن بیریلگن بیاناتده, جمهوررئیس فرانک والتر اشتایتمایر تامانیدن 19 مارچ ده ترتیب له نه دیگن محفلده ایککی تورک عالم اوزلم توره جی بیلن اوغور شاهین گه, آلمان نینگ 'یولدوزلی بویوک لیاقت نشانی' نینگ تقدیم ایتیله دیگن لیگی بیلدیریلدی.
اوشبو مراسم گه آلمان باش وزیری آنگلا مرکل نینگ هم اشتراک ایته دیگن لیگی معلوم قیلیندی.
بیریلگن بیاناتده, توره جی بیلن شاهین نینگ کووید 19 گه قرشی کوره ش بوییچه کتته حصه قوشگن لیگی بیلدیریلدی.
بیاناتده, "اولر m-RNA تکنالوژی لری ساحه سی بوییچه دنیا بویلب قبول قیلینگن معلوماتی و اوزلوکسیز سعی و حرکت لری نتیجه سیده قیسقه بیر مدت مابینیده کووید 19 گه قرشی واکسین ایشلب چیقاریش گه موفق بولدی لر" دیی قید ایتیلدی.
