ایردوغان آذربایجان نینگ دولت بیراق کونی مناسبتی بیلن قوتلاو پیامی ترقه تدی
آذربایجان نینگ 9 نوامبر دولت بیراق کونی مناسبتی بیلن تبریکله دی
تورکیه جمهوریتی جمهور باشلیغی رجب طیب ایردوغان تورکیه نینگ بوتونله ی تاغلی قاره باغده آذربایجان بیراغی ایرکین بیر شکلده آسیلگونچه گه قدر آذربایجانلیک قرینداشلری نینگ یانیده بولیب توریش گه دوام ایته جگینی بیلدیردی.
ایردوغان آذربایجان نینگ دولت بیراق کونی مناسبتی بیلن قوتلاو پیامی ترقه تدی و بو پیامیده خلق ارا ساحه ده "ایککی ایریم دولت بیرته ملت" اوله راق حرکت ایتگن لیکلرینی معلوم قیلیب آذربایجان نینگ 9 نوامبر دولت بیراق کونی مناسبتی بیلن تبریکله دی.
آذربایجانلیک مرحوم شاعر بختیار وهابزاده نینگ آذربایجان بیلن تورکیه اورته سیده گی قرینداشلیک نی "بیر انه نینگ ایککی فرزندی" اوله راق اته گن لیگینی معلوم قیلیب ایککی قرینداش اولکه اوله راق آتیلگن آدیملر بیلن گپده ایمس سیاسی، دیپلوماسی، انرژی و مدافعه بوییچه هر ساحه ده چین قرینداش ایکن لیگینی دنیاگه کورستگن لیکلرینی افاده ایتدی.
جمهور باشلیغی ایردوغان شولرنی ایتدی:
آذربایجان نینگ بیرلشگن ملتلر تشکیلاتی و اروپا خوفسیزلیک و همکارلیک تشکیلاتی قرارلریگه بناً قریب 30 ییلدن بیری ارمنی اشغالی آستیده بولگن تاغلی قاره باغده گی توپراقلرینی آزاد ایتیش کوره شینی قلباً و امکانیتلریمیز بیلن قوللب – قوتله یمیز.
سابق تورک شهری شوشه نینگ هم اشغال آستیدن قوتقریب آلینیشی بیلن مطلقً ظفرگه ایریشیش گه بولگن ایشانچیمیز و امیدیمیز کوپه یگن دیر. آرزو و تمنی میز قهرمان آذربایجان اردوسی مغلوبیت گه اوچره تگن ارمنستان نینگ بوندن بویان قان توکمه ی اشغال قیلیب آلگن توپراقلرنی اوز ایگه لریگه تسلیم ایتیب بیریشی دیر.
تورکیه تاغلی قاره باغده بوتونله ی آذربایجان بیراغی آسیلگونچگه قدر آذربایجانلیک قرینداشلری نینگ یانیده بولیب دوام ایته دی. شونده ی بولیب عزیز ایناغم جمهور باشلیغی الهام علی یف نی و آذربایجان تورکلری نینگ بیراق کونی مناسبتی بیلن تبریکله یمن. وطن، بیراق، آذان و استقلال اوچون توپراق بولگن عزیز شهیدلریمیزنی رحمت و مغفرت بیلن یاد ایته من" دیدی.
